近排晚晚都瞓得差, 搞到隻眼爆紅仲生埋眼挑針, 又痕又痛真係慘; 琴晚上半夜比兩隻豬瞓大床, 下半夜放返佢哋落網床瞓覺, 拜託達達要乖, 唔好嘈比媽媽瞓返一覺; 達達好合作, 果然好靜自己瞓覺, 一整晚都無嘈吵!
放咗涼感墊比達達, 呢個女鍾意涼涼咁瞓覺, 波波就相反, 佢都係鍾意遠紅外線氈啊!
大熱天時, 即使開住冷氣都唔可以用vetbed喇, 見到D毛都熱啦, 早前留意到網上有狗主介紹一款床墊, 我覺得幾好, 當然要為炎夏做好準備喇!
買咗呢塊3D床墊放床仔, 都用咗一段時間, 用之前用水測試過, 完全符合我嘅要求, 比vetbed滲漏更快; 即使達達尿床, 尿尿會迅速滲落底下, 上面仍乾爽啦, 只要放尿片喺個墊底, 就完全無麻煩!
不過達達好乖, 已經好耐無尿床, 要尿尿識叫喇; 但都係做足準備啦, 反正呢個床墊承托力平均, 透氣又唔熱, 好適合夏天用嘛!
時刻搜尋好物比兩隻豬, 依家可以網上購物真係偉大😆!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
