今日再試湯粒, 試另一款口味, 上次係川貝鱷魚肉, 達達唔飲, 今次試鯊魚骨虫草花, 希望公主肯比面試試; 點知大小姐唔吼, 仲好似我要毒害佢; 先係望、聞、脷仔舔吓碗邊, 然後將塊面擰開去, 激死😖!
仲買咗3樽咁多, 好彩波波捧場, 個仔依家無咩挑剔, 抵我錫晒佢; 達達一向難服侍, 可能依家年紀大咗, 或者有唔舒服, 胃口會有改變我係知嘅!
照顧長者要比多D耐性心機, 即刻奉上自己煲嘅bone broth, 佢又飲到舔晒脷, 咁唯有繼續做阿四; 工人姐姐返咗嚟, 唔使我睇火都好D😉!
天氣咁熱日夜都開住冷氣, 其實都有D凍凍哋, 佢哋瞓著我一定要幫佢哋蓋被, 不過兩隻豬都會躲避, 但著衫又驚熱, 突然諗起之前買比豆b嘅cooling tank top功能性背心, 順理成章passed比達達豬, 咁唔會凍親公主又狂打乞嚏, keep住恆溫希望佢滿意!
但都要為波波準備嘛, 今次買多 3件涼感背心, keep住衡溫25度, 仲有防蚊功能, 不過唔同牌子, 希望都OK啦!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
