 |
| 相片連結 |
依家上FB都唔會特意按入動物群組, 唔想每日接觸咁多生離死別嘅報告, 感覺無奈又傷痛; 最怕見到毛孩發病時, 家長心慌意亂趕去24小時嘅動物醫院, 一輪緊急救治, 幸運嘅可以平安過渡, 可惜喺呢類群組大部份見到嘅, 都係結果唔好, 仲見到po文有好多醫療事故, 嚴重到匪夷所思嘅地步!
好多主人後悔寶貝臨尾時段受咁多折磨, 令到毛孩咁辛苦, 喺獸醫院做咁多化驗, 甚至做入侵性嘅治療, 有D仲係無必要咁做; 最內疚係要寶貝留院, 最後孤零零咁走向另一國度, 家長當然好痛苦!
當然有好醫生, 會企喺主人角度, 不單一考慮治療方案, 會體察毛孩正處於身體虛弱中, 是否承受到某種治療?
可以關顧到各方面, 唔一意辜行, 祇睇重喺學術方面嘅需要, 呢種醫生真係為數好少!
24小時動物醫院比我嘅感覺唔好, 多年前送叻叻去港島區嘅24, 結果係命都保唔到, 出院後變咗急性腎衰竭, 唉唔想再回顧; 年前波波高燒去九龍區嘅24, 又係咩都幫唔到, 都唔知睇症嘅作用喺邊度, 對 24小時急症我真係信心全無!
如果有一日半夜豬仔發病, 我都唔知點算好😢!
有感而發咁多惱騷, 皆因身邊多數朋友帶毛孩急診嘅經歷都唔好, 兩隻豬都年紀漸老, 要面對嘅困難一步接一步!
達達胃口時好時唔好, 又唔知係咪年紀問題所以挑食到離晒譜, 又唔係無見醫生但結論都係無, 驗血又無特別問題明顯睇到; 自己又唔想麻醉做檢查將佢舞, 事實麻醉風險高, 見到好多例子做完咩都幫唔到, 狗狗氣息仲差過唔做!
都係順天命見步行步, 還幸兩隻豬精神還好, 做住自然療法, 保養多少都好過咩都唔做😔!
sound therapy對達達影響好大, 好多時佢吖吖叫猛咁嘈, 我一敲音叉佢就平靜落嚟, 好快安靜晒; 孤勿論音叉是否對健康得益大, 但已經解決到我目前嘅困難; 波波對呢類振頻亦無反感, 無入侵性嘅治療保養, 咁梗係繼續去做!
感恩總係遇到未曾嘗試過嘅自然療法, 比我鼓舞好大, 加強咗我嘅信念, 祇要未到終點, 總有去路!
 |
| video |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
