 |
| 相片連結 |
琴日萬聖節, 又幫3隻豬仔影主題相, 慶幸3隻豬好合作, 順利過關 :)
正常都係檢查吓相片有無需要修正, 然後貪得意加上相框, 攪掂就post到網上相簿, 一般程序都係咁様啦!
琴日uploaded完D相, 突然想睇睇3隻豬仔前幾年影嘅萬聖節相, 想比較吓3隻豬仔呢幾年有咩分別, 狗狗每一年都可以好大改變!
點知一clicked入以往嘅相簿, 真係命, 點解D顏色好似洗水布咁, 變晒甩色相㗎 ?! :(
之前影嘅相片, 我每次uploaded完上電腦, 都覺得係偏黑啦, 用過唔同相機, 唔同setting都無改善, 咁就考起我喇, 我影相一直都係用傻瓜機, 呢方面嘅知識我係傻瓜過傻瓜㗎!
一份相同嘅相片, 放上唔同地方, 色差分别好大, 咁我唯有後期加工, 人手改善, 猛咁edited啦; 將光度明顯加高, 望落稍為順眼就算!
一直重覆做呢個後期加工動作, 點知琴日一睇之前嘅相....真係腦充血啊!
原來之前影嘅相片, 可能係無需要修改㗎; 全係個MON比我錯覺, 誤導咗我有需要edited :(
如果唔係早排個MON死咗, 換咗個新MON, 我仲會繼續咁做.....
唉! 從無諗過呢個問題, 真係豬 :'(
嘗試clicked入之前多本相簿, 顏色都係淡化晒, 我暈喇!
又嚟一件好心做壞事嘅典範, 做多餘咗, 但結果係枉費心機!
心情真係唔好, 但回心細想, 無大不了啊, 最重要係佢地身體健康嗟, 再影靚相有大把時間嘛; 呢D小小挫折算得乜吖, 算啦!!!
忘記呢少少唔開心, 帶3隻豬出去行吓; 今日週末一定多人多狗, 就當測試吓波波嘅自制力是否足夠; 會唔會好似之前咁好定力? 咁以後我就唔使愁!
今日街外真係好多人, 又有尖叫嘅小朋友, 仲遇到3隻狗狗, 但波波都無吠, 佢嘅改變真係令我樂透!
都唔敢一下間比佢壓力太大, 唔想挑戰佢嘅極限, 決定同佢哋行遠少少, 去一個比較少人嘅地方, 放波波落地行!
無預算比兩個女落地, 所以淨係帶波波嘅拖帶; 點知波波行完豆b喺車仔度擠到前面, 好似話比我知到佢喇 :)
咁借用波波嘅拖繩, 帶佢行咗一陣間; 達達唔好落地喇, 今早同佢剪指甲流血啊!
番到屋企飲完鱷魚肉湯, 終於都忍唔到等到下次沖涼喇, 同達達修毛毛, 修少少維持住整齊D算喇!
修完毛比佢上床覺, 今日3隻豬都好攰啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
