工人姐姐今日走喇, 相處兩年, 即使佢幾壞, 但唔可以否認都曾經有過開心時間; 今日僱傭關係告一段落, 過去嘅不快亦唔想多提, 就將所有唔開心跟隨佢嘅離開, 隨風而散, 從今以後我唔想再帶住負能量過日子, 好頭好尾比佢一封利士, 大家good luck啦!
琴日佢生日, 阿女同我都有送佢生日禮物, 唔會因為佢走就咁慳番, 上次嘅工人姐姐咁啱又係差不多約滿生日, 我哋都有送禮物, 就一視同仁!
對呢個姐姐, 自問無虧欠, 即使有時好嬲, 但我都做晒自己嘅本份; 希望上天眷顧, 下個新姐姐會係好幫手, 會有一個簇新嘅局面啦!
有幾個月忙亂, 諗起煮食嗰D油煙, 已經無晒胃口, 最憎煮餸!
近日聽聞有兩隻小型狗狗短時間內突然病逝, 網友Am嘅狗狗只有傷風症狀, 流鼻水鼻塞; 而另一隻狗狗嘅情況更令我擔憂, 話說狗狗兩個鐘前仲正常, 食慾良好, 但突然抽筋, 幾分鐘內就走咗喇!
呢D小型狗狗真脆弱, 話走就走, 都唔到你點留神, 點小心!
但都係無得怕, 我唔係掌管生命時鐘嘅大神, 要有事起嚟都無得唔接受 :(
 |
| 戴住個頭罩就係咁慘 |
波波角膜受傷都近兩週喇, 我總覺得佢康復好慢, 明明上次葉醫生檢查過話康復進度良好, 攪咩呢個仔仲要單眼?
A話波波係習慣, 生性都較細膽, 覺得自己未好就習慣單眼啦!
A叫我先要自己放鬆, 我咁緊張直接影響波波去單眼!
又係我緊張壞事? 究竟有無靈丹妙藥? 抑或有課程練習? 我點先可以放鬆番?
我都知自己又緊張又怕煩, 又要鑽牛角尖搵D嘢嚟擔心, 真係病態!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
