平日服侍3隻皇帝豬已經夠晒忙, 依家要再加上往常係工人姐姐做嗰份, 仲要做得比佢認真, 就忙上加忙喇!
最煩係波波眼仔未完全康復, 除咗頭罩後要留意住佢有無卒眼, 就算對手做緊其他, 對眼都要望到實!
仲有達達豬嘅乞嚏病, 要加密比佢聞氣, 又要禁止佢猛抓枕頭嘅動作, 以前覺得好有趣嘅場景, 要完全禁絕啦, 真慘!
激動、興奮對佢都無好處, 希望盡我所能控制好環境, 剔除誘發佢再抽筋啦!
由朝忙到晚, 但對3隻豬嘅照顧唔會少一瓣, 一樣照顧好3餐, 早晚加衣, 中午除衫梳毛, 仲要抽時間陪玩, 親子活動唔少得㗎, 要每隻豬都抱抱鍚一餐!
然後放落圍欄床仔, 等佢哋休息一陣間; 達達好怪, 係放落呢度佢先肯坐低, 放佢出大圍欄, 佢會猛跑; 唔睇住我驚佢跑到跣呔 :p 另一樣奇怪就係喺呢度波波唔會同豆b打交, 可以相安無事大家一齊瞓覺, 換咗比豆b上大床, 個衰豬仔同佢死過咁交關!
工人姐姐走咗幾日, 我每日都好唔得閒, 始終工人做嘅同自己要求唔同, 唔係自己動手我無謂多多說話; 一直以來我好明白, 隻眼開隻眼閉算喇; 但換番自己掌舵, 梗係要跟自己心意啦, 真係由朝忙到晚, 都未理出個大概, 有排攪!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
