波波眼仔都未好番, 仲成日單住隻眼, 達達突然有輕微抽筋都未知係咩事, 工人姐姐仲有四日就走, 我又突然牙痛, 所有麻煩都逼埋一齊, 點解要咁玩?!
牙痛無辦法唔理, 口腔問題可能引發大件事, 見有發炎徵狀就一定要見牙醫啦, 最怕呢様都要死死氣!
琴日見牙醫, 隻牙救唔到, 要脫; 最驚呢樣, 唔係怕痛, 係怕感受血腥嘅氣味!
今日波波都係唔願郁, 我又驚佢身體有事, 又猛幫佢探熱令自己安心D; 其實佢大、小便正常, 胃口好好行動唔覺有事, 不過係行得慢D, 可能係戴住頭罩累事, 老公就肉赤到死, 猛問要戴到幾時!
都真係怕咗佢好心做壞事, 我鄭重聲明唔准佢除, 整盲波波眼仔我一定唔放過你!
工人姐姐就走喇, 開始肆無忌憚玩手機, 我都慳番啖氣唔話佢, 反正話佢都唔會理！
不過呢個姐姐臨走都要同我過唔去, 記得佢初嚟嗰幾日, 打爛我心愛嘅ballet公仔, 想唔到臨走呢幾日, 又再嚟 一次 :'( 仲咁啱初嚟時甩頭, 臨尾就斷脚, 咁樣嚟好頭好尾? 激死!!!
都叫咗千萬次唔好掂我呢D, 個心遊魂真係想死!
佢好大口氣, 話搵到份正工2000呎大宅, 替外國人工作, 真係恭喜囉, 我諗真係外國人嘅工適合佢多D!
有幾個月空檔期無姐姐用, 都要買吓雜物買吓餸, 應該會出去多D, 咁點放心留低3隻豬?
我從來都無裝webcam, 今次都要試試喇, 起碼有咩事可以快速撲返去!
多謝A陪我買webcam, 我對呢D真係低能兼白癡!
為咗3隻豬, 真係諗到頭都大埋, 可以做嘅都做晒喇 !
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
