 |
| 無咗白色分泌都肯比我摸吓喇! |
好多人話我係樂天派, 成日都嘻嘻哈哈, 好似無煩惱咁架, 我都以為我真係咁睇得開, 但原來唔係!
波波今次整傷眼仔, 我就搵咗幾百宗事例, 本來想比自己一D安慰, 個情況唔係太壞, 唔使諗得咁消極諗到要切眼仔啦!
但原來真實嘅我係庸人自擾, 反而越睇越弊, A話我總要搵最壞嘅對號入坐, 係都要攪到自己咁弊翳!
見波波行到身都側晒, 連坐都一邊偏埋, 又擔心佢係椎間盤問題, 見佢口仔係咁郁動, 又擔心佢口腔又有病例, 九佰幾樣擔心都出晒嚟!
琴晚阿女話佢都有角膜損傷經驗, 係痛到有口難言, 整個頭都痛晒, 係好好好......痛啦!
所以之前波波行到側晒, 又尖叫又唔比掂佢理解, 琴日睇佢進步好多啦; 至於唔張大眼仔, 佢話真係無咁快, 要一星期左右先好D啦!
A同Mi都話波波一向著衫都反應大, 何況戴住頭罩, 渾身唔舒服係必然, 個頭罩亦有重量令佢側晒!
希望係咁啦!
所有理性嘅分析能力我完全無晒, 對眼就係見到D唔妥當啦, 然後仲要將佢無限擴大, 我發咗神經啊 :P
呢D就係旁觀者清當局者迷, 總係要聽下他人意見尋求安慰, 其實一切顯而易見, 但我就係都要鑽牛角尖自找麻煩!
都仲要戴好耐頭罩, 真係慘; 今朝見佢尿尿時轉圈, 撞到個頭罩, 成個碌低, 心痛啊!
依家都無咩可做喇, 遵從醫生吩咐定時比藥, 我keep住放佢喺房間, 拉密遮光簾唔好比光線刺激佢隻眼!
我都要改改改, 要正能量, 新嘅一年一定會好運, 要從好方向去諗, 吸引正面嘅磁場!
好啦好啦, 唔再擔心喇, 都盡晒力去做,一定會好番!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
http://www.veca.tw/msgshow.asp?no=70
