一星期前帶波波覆診, 葉醫生睇過佢眼仔, 話康復進度好好啊, 再滴一星期眼藥水應該OK啦; 已經足夠一星期, 見佢眼仔都肯打開喇, 咁應該有變好, 於是琴日打個電話, 問問醫生停藥後有咩要注意㗎!
醫生話可以停藥除頭罩, 觀察住佢有無卒眼, 有就要戴番; 我問醫生波波眼仔仲有一噠特別白, 佢話個疤一般要幾個月先會散晒!
好啦我都好想除頭罩, 戴咗咁耐佢真係好慘, 點知一除佢就將個頭仔舂落D被度, 好似掘地洞咁玩, 係咁猛擦!
即刻抱起佢檢查, 佢又單番眼喇, 仔呀你咁唔聽話, 頭罩點可以除吖?! 陣間再整傷唔係講玩, 無辦法喇, 戴多兩日再觀察!
停咗消炎藥水, 睇網上嘅寵物眼科醫院叫滴D人工淚液, 濕潤住隻眼, 等眨眼時舒服D啦, 去買咗獨立裝無防腐劑嘅人做淚水, 幫佢滴吓, 希望快D好啦!
好喇一切唔好嘅都過去喇, 新嘅一年依家正式從新開始, Belated Happy New Year :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
