每日都不遺餘力猛咁諗, 傾盡我所能希望可以幫波波離開疼痛嘅折磨, 之前見到呢塊心頭肉行到失晒平衡, 實在心痛!
做得嘅我已經盡量做好, 即使見到暫有舒緩我都唔敢偷懶咩都唔做, 求得佢再無痛痛已經係最大回報!
今日又上網尋求方法緩解腰酸背痛, 除咗叫做按摩針灸, 仲有係舒展運動, 前兩樣我都有幫波波keep住做, 但要佢做舒展運動, 就有十級難度喇 :p
咁再搵吓有無相關實質產品, 可以舒緩呢類痛楚, 就見到有磁性頸鏈嘅討論, 當然有人話有用, 亦有人話係自欺欺人心理作用！
對我嚟講, 我接受世界子之大真係有無限可能, 對任何嘢我都唔敢肯定講係無用, 一樣嘢要見到效果真係要好多配合因素; 但我最關注嘅係, 用呢種嘢有無不良副作用!
睇咗好幾個網上討論, 都有人話用Phiten呢個品牌嘅產品係有效用, 可以疏通經絡, 促進血液循環, 緩解身體局部疲勞與疼痛!
突然記起有一段時間我肩周炎, 舉手都有困難, 阿女就買咗條Phiten手帶比我用, 我無事之後就無再戴喇; 咁即刻拎出嚟比波波當頸帶用啦!
好在波波細身, 啱晒用條手帶, 希望用喺波波身上, 條手帶都發揮到佢嘅功用!
http://www.phiten.hk/catalog/QnA_how_fqa.php?language=tc&osCsid=upri3jrvaeaji6cu7f9ih2puu6
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
