 |
| 相片連結 |
琴日比佢哋玩咗一個上午, 下午決定同達達修修毛啦, 呢個女雖然長番毛毛, 但毛質都唔靚喇, 都係羊毛化!
算喇有咁成果我心足喇, 唔再執著毛毛嘅光澤, 當然繼續保養, 有改進更好啦, 無都無所謂喇!
由於毛質差, 毛髮稍長就亂七八糟, 又容易糾結一團, 反正又唔可以出去, 就同佢修齊整吓!
剪咗毛嘅達達好似隻小綿羊, 好得意啊 :)
今日天氣一樣唔好, 都唔適合出去散步, 就輪到豆b修修毛啦; 豆b自從上次出現過腫瘤, 毛質都差咗喇, 我做得嘅都正常咁去做, 一D未可預計嘅結果都不由我操控, 只好平常心面對啦!
同兩個女修毛, 我改變咗心態, 再唔會感覺係佢哋唔合作喇!
佢哋唔肯配合定定咁企, 應該係有佢哋嘅困難, 腰頸椎都出過問題, 企吓就要坐低都正常吧; 所以今次同佢哋剪毛, 我由得佢哋爬低, 剪肚仔就抱住剪啦!
係就係比較難掌握, 唔企好難睇到個做型嘛, 但自己操刀主要係想打理較容易, 唔想毛毛太糾結啦!
已經無再從美容方面出發, 更唔敢比其他人幫佢哋剪毛喇, 安全第一, 自己修剪吓較為齊整, 我收貨喇!
唔再追求完美, 條件影響下做唔到嘅, 何苦強求啊!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
