 |
| 相片連結 |
每日留喺屋企陪住3隻豬, 天氣咁熱真係唔想出去, 今年各地天氣都有D反常, 加拿大嘅姐姐都話熱到死!
留喺屋企睇住3隻豬嬉氣, 見佢哋彈嚟彈去, 我非常享受, 祗要佢哋健康無事, 我就好relaxed!
有咩比心境平和安樂更重要?
3隻豬日常喺屋企一向都唔會吠, 除咗開餐時間會聽到佢哋叫聲, 就會安靜瞓覺, 即使係玩, 都唔會吵鬧; 但近來達達成日嘈嘈閉, 多多要求成日吖吖吖, 真係刁蠻, 不過總好過木無表情啦!
所有曳曳嘅行徑我依家都欣賞, 唔會覺得煩, 識曳真係好事啊 :)
琴日同兩個女浸milky spa, 達達呢方面真係最乖喇, 無論浸浴修毛吹風都好合作, 同豆b完全相反, 豆b天生係坐唔定, 做咩都兩頭爬, 同佢做任何治療都係最攰喇!
沖乾淨涼聽日要去驗血喇, 已經好耐無見Dr. Hsiang, 幾次波波有事, 唔係遇到佢離港就係booking full晒!
似乎要見Dr. Hsiang都只可以係預早約定嘅body check喇 :(
真係無辦法, 佢哋有事我真係唔敢拖延, 當然想早D比醫生評估情況有幾壞, 近來Dr. Hsiang真係越來越難book喇!
3隻豬跟咗佢有5年喇, 佢係最清楚3隻豬嘅健康狀態, 無奈時間太難夾 😞
雖然係常規檢查, 但我總有千佰種擔心, 性格係咁無得變啦 :(
由依家開始到等report嗰時仍然係難放下, 會擔心抽血有困難, 3隻豬越嚟越唔合作喇, 又擔心會見到唔想見到嘅結果, 3隻豬年紀一日比一日大嘛; 仲要擔心天氣炎熱要出街, 中暑太可怕 :(
準備好晒涼墊冰種電風扇, 仲有太陽傘同足夠飲用水先行動啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
