 |
| 最開心見到呢種柔和嘅眼神 :) |
見到波波D毛毛亂過鬼, 十足個流氓皇帝, 終於忍無可忍動手, 要幫佢變番靚仔!
可惜事與願違, 剪到參差不齊:(
以前波波好乖仔, 氹吓佢就企耐D都無所謂, 除咗剪某D部位佢會縮, 成個剪毛過程都算係簡單, 依家就超麻煩!
 |
| 剪得係唔整齊, 容後整理啦! 剪毛前真係太長啦, 好亂嘛! |
操作一把鋒利嘅較剪已經令我壓力大, 好怕整傷個仔, 都怕自己隻手都剪傷埋, 我以前係有試過血流成河嘅經驗㗎, 怕怕 ;p
會唔會佢近來睇多咗醫生, 有壞記憶, 好怕比人攪?
快快手剪個大概就算喇, 將時間盡量縮短啦, 寧願有機會先再同佢修整齊番, 好過將佢嚇怕!
我咁樣應該有做啱, 今次剪毛用咗好短時間, 個仔抗拒唔大, 比粒零食好快笑番!我諗佢有殘餘記憶令佢唔愉快, 呢段日子以來佢都壓力大, 半年裡面有整傷眼要比醫生滴螢光劑, 行得側身仲要睇咗3個醫生, 又針灸又用鎚仔通處敲, 週身按壓...最近又要抽血吉針, 真慘!
下意識有任何器具掂到佢都反應大, 呢個仔極其敏感會神經反彈, 要佢忘記....我諗都要一段長時間 :(
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
