 |
| 相片連結 |
琴日係星期日, 都係同3隻豬仔靜靜渡過, 同佢哋磅吓體重, 好relaxed!
3隻豬都增咗磅, 唔怪得達達脚仔又震番啦, 雖然輕咗我又擔心, 但重咗都唔係好事, 要減肥喇 ;)
工人姐姐放假, 我會任佢哋隨意走動, 平時就要金睛火眼睇到實, 怕咗姐姐嘅隨意舉脚, 更怕D細微物件時時跌到地上, 傷到3隻豬!
即使我不停叫住工人姐姐要小心, 但都係失望; 工人又點會似我為"幾隻狗"考慮咁周詳; 依家D工人做嘢態度真係同當年兩個樣, 以往都會驚做錯事無得留低, 依家相反會用‘唔留低’做要脅, 趾高氣揚 :(
時移勢逆, 依家嘅外傭僱主大多忍氣吞聲, 除咗肉赤成萬蚊agent fee, 要再請個好D? 邊會有咁理想!!!!
最衰自己懶做家務事, 唯有死忍, 再跟緊D啦 :(
雖然對呢個姐姐係唔滿意, 但都要氹住氹住, 要時不時帶佢出去飲飲食食, 希望“佢”會滿意 :(
請工人真係頭痛事, 請到一個好姐姐唔係件容易事!!唔再諗呢D麻煩事, 都係講樣開心D!
話說琴日同3隻豬一齊, 我由得佢哋自己走來走去, 我就坐落地墊陪住佢哋, 一邊玩吓手機!
自從鋪咗地墊, 達達已經好叻女, 出入廳房再難唔到佢!
呢隻女依家好多聲氣, 成日都吖吖咁叫住, 我唔鬼理佢 :)
點知琴日佢見我唔理佢, 進化到識用隻手仔嚟抓我, 令我有意外驚喜!
波波呢, 隻眼仔有好轉, 但間中仲卒眼, 唯有戴番頭罩, 費事麻煩!
豆b呢, 呢個女都比以前大脾氣, 以前事事忍讓, 依家乜都要爭, 一唔合意仲好勇咁去打交; 豆b比以前更主動, 時時要我抱抱, 不停同波波爭寵, 攪到波波成日好激動 :(
今日見我放波波出籠鬆一鬆, 隻豆即刻自己推門入籠, 困籠都算係好節目?!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
