 |
| 相片連結 |
兩個鐘後輪到達達, 因為達達要敷扶養泥, 要用更多時間, 唔想攪亂推遲咗佢哋食3餐!
同3隻豬攪掂晒, 清潔好部milky spa機, 又水又汗, 我已經全身濕晒, 快快自己沖個涼, 已經係自己晚飯時間!
雖然睇落好似每個中段都有兩個鐘休息時間, 其實一隻沖完我要將浴盆同SPA機洗一大餐, 邊有得休息吖!
雖然3隻豬都無皮膚病, 但都要注重衛生嘛, 一定要清潔浴筒啦, 況且仲要清洗SPA機嘅喉頭, 如果塞咗就煩!
每次沖涼都會有死毛浮起, 吸咗入機就慘, 搬走部機修理都徙時間, 即使加裝有濾網, 都係清洗吓免麻煩!
呢D工作點敢靠工人姐姐? 費事佢將個喉頭跌爛, 一句sorry最少又唔見幾佰, 都係自己做番啦, 彎住腰又洗又刷, 由早到晚, 攰到爆!
為3隻豬任勞任怨, 點攰點辛苦都可以撐, 祇要佢哋身體健康, 唔好成日比我驚嚇, 身體上嘅疲勞好易恢復, 只係精神有壓力先係最慘！
今日喺FB睇到一個貼文, 要同大家分享, 請大家要小心!
內容講及狗狗用清潔牙齒嘅噴劑, 不慎入眼, 竟致盲!
廠商話可以分擔部份診金, 但狗主唔可以公開再談及, 主人好激心; 大家要知道係邊隻產品, 請click入link睇原文!
https://www.facebook.com/caroline.a.higgins/posts/10207426956501985
如果大家有用相關嘅產品, 務必要小心, 以前我都曾用過呢類產品, 還好我從來唔會"噴"!
因為D豬仔唔合作, 驚住"噴"會將佢哋嚇親, 依家諗返轉頭都算幸運, 因為噴灑時入咗眼真係有可能!
呢個不幸警惕我哋, 用任何噴劑, 真係要好好好小心!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
