都真係無得安樂D!
今朝一早起身, 放3隻豬出去, 見波波行得好慢, 我就知死喇; 然後餵早餐, 個仔無興趣, 坐低唔食....
咁快又嚟? 痛得咁密, D骨刺要點先唔好吉佢?!
我都無停過物理治療, 係停咗幾種順勢療劑, 只集中餵嘅係舒緩骨刺, 點知咁都頂唔住 :(
唉! 始終順勢藥唔係supplement, 我唔想一直唔停咁食落去嘛; 依家咁情況, 連早餐都唔食, 順勢療劑一定唔夠力, 唯有出動上次Dr.Fan配備嘅備用藥去幫佢!
真係唔想食西藥, 但無得選擇, 唔通由得佢痛落去咩? 希望過咗個critical時間, 穩定落嚟, 再用番順勢療劑啦!
真係福無重至, 又再起雙飛; 豆b食完早餐去poo poo, 點知痾水 :(
即刻餵佢草藥slippery elm, 希望OK!
今日仲要出去, Mi幫我從美國訂咗supplement比3隻豬, 約好拎落地鐵站, 我要過海飛過去; 叫咗工人姐姐留意佢哋, 就匆匆出去!
一落到地鐵就記起, 想叫姐姐移一移個籠嘅位置, 我困住波波, 想用webcam望吓佢, 自己會放心D!
點知打咗半個鐘電話返去, 都無人接聽, 激到我火都起!!!
工人真係靠唔住, 叫咗佢留意, 點知.....
無辦法啦繼續行程, Mi知我掛心都早咗落去, 唔使我等佢 :)
Mi多謝你!!
然後都無傾兩句, 飛咁快趕返去!
回程再call屋企, 阿姐姐話佢喺toilet聽唔到電話聲 :(
call咗6、7次, 多於半小時, 真係咁啱? 天知!
 |
| 喺webcam望到都安樂D! |
呢對twins, 食咗藥都有好轉, 夜晚豆b再便便, 係稍軟但已經成形, 可以拾起喇, 今晚食多次草藥應該OK!
波波都肯食晚餐, 尿尿有舉脚, 係行得慢D; 不過佢表情話我知佢係有好轉, 繼續困籠食藥, 希望好快會無事!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
