波波啊波波!
我真係比呢個仔玩死喇, 困籠休息行動稍有好轉, 放出嚟玩一陣間, 又唔知咩事整到隻眼!
琴日玩完見佢又單眼, 已經即時滴眼藥水, 再加順勢療法眼藥, 點知到咗晚上, 隻眼仔竟然變咗血紅色, 嚇死我啦!
呢個仔又比較"蛇呱"啦, 真係買佢怕!
可能我無幫佢戴頭罩, 佢有卒眼, 見到隻血紅色嘅眼, 真係嚇到騰晒, 即刻叫自己先冷靜落嚟, 再諗諗點辦!
諗起上次佢眼仔受傷, 睇獸醫除咗比眼藥水, 都有開消炎藥, 咁何妨食埋順勢療劑嘅消炎藥, 睇睇效果, 再決定下一步點做啦!
跟住療劑指引, 食咗4次療劑後, 隻眼仔已經可以張大喇, 咁繼續食順勢療法眼藥, 似乎又OK喎, 隻眼仔明顯無咁紅喇!
有好轉個心較為安定, 就等佢休息一晚, 聽日瞓醒再決定有無需要見醫生啦!
今早起身, 個仔好似無晒事咁, 眼仔唔紅無再單眼, 原來食少咗隻消炎療劑分別咁大, 效果會咁唔同!
其實有同Mi講波波又單眼 , 佢已經叫我快D用順勢療法, 但我話上次食咗都無用....
雖然上次效用唔大, 但可能今次係小問題, 最後都決定試吓; 比佢食咗eye repair, eye visions, 就係無比到infection, 點知, 食少一隻療劑差別有咁大!
好彩今次冷靜落嚟, 用對咗順勢療劑, 唔係又要見獸醫又食消炎藥, 之後又要排毒, 氹氹轉咁嚟玩, 真係慘!
可惜香港無寵物順勢療法嘅醫師, 下下要靠自己摸索, 都有心理壓力㗎!
雖然係可以上網向國外嘅順勢療法醫生求助, 但來來去去email, 都要好耐時間啦; 而且越洋問診都係紙上談兵, 點都唔同面對面嘛; 還好順勢療劑無咩副作用, 咁都放心試吓!
越嚟越鍾意用另類療法, 事關3隻豬對西藥反應太大, 除非情況係無得揀, 有選擇下我都屬意用另類療法!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
