 |
| 相片連結 |
波波繼續食藥困籠, 放佢出嚟便便就知佢有進步, 因為動作好敏捷; 去完洗手間佢一支箭咁直衝出廳, 開始又跑又跳, 嚇到我黐線!
真係好難控制要佢唔跑唔跳, 呢個係狗狗最開心嘅發洩, 但又跳又跑就容易出事, 又痛痛要困籠食藥, 成日咁循環; 最怕係唔keep好導致更大問題, 都唔知點辦, 係咁就住就住唔比佢自由咁玩, 又有咩生活樂趣可言?
左小心右小心, 多多限制真係煩, 有時真係好想咩都唔理隨意而行!
人嘅一生好短暫, 都想做D令自己開心嘅事, 到咗係時候回老家, 都不枉此生嘛; 狗狗嘅一生仲快如眨眼, 回頭望所剩都係幾年時間, 好想佢哋開開心心隨意咁玩!
但....呢種自由嘅代價太大, 跳跳跑跑觸及骨刺, 可以痛到無胃口食餐, 仲慘!
如果傷及神經, 咁後遺症仲大, 萬一變癱, 後悔難返 :'(
豆b肚屙總算settle down, 第一日食咗兩次草藥D poo poo已經正常返, 點知第二日又再屙軟便, 最終都要食咗兩次順勢療劑先再無麻煩!
達達呢, 依家成日嘈嘈閉, 小氣鬼唔講佢喇!
近日天氣咁熱已經少出街, 佢哋氣管咁差中暑機會較大, 好怕見豆b熱到呼吸困難, 波波氣管都比以前差咗喇!
本來可以坐住車仔遊吓花園, 但除咗怕中暑, 我又怕遇到牛蜱啊!
牛蜱我一向都怕得要命喇, 但諗住唔行草地, 去完街小心D檢查, 就唔使咁驚啦, 樣樣都驚點得呀!
但真係好可怕, 近日多隻狗狗都中咗牛蜱熱, 仲要係最毒嗰隻Babesia Gibsoni菌，Ka認識嘅朋友狗狗因咁走咗呀, 即刻大家都變得憂心忡忡啦!
我哋一向都唔用毒藥防虫, 除咗噴D天然噴霧, 但牛蜱熱咁恐怖, 單靠噴呢種天然噴劑真係防到?
Ka近日新加入咗我哋行列, 開始咗用順勢療法幫佢狗狗, 佢覺得效果好好呀, 咁自然努力啃網頁搵料啦; 新成員多數勤力, 好幸運比佢搵到順勢療劑係有預防牛蜱熱, 我哋好開心啊!
雖然唔知效用如何, 正如防心絲虫藥, 都係用咗安心D啦, 希望點都有D幫助, 有做總好過不設防嘛!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
