又買咗新嘢比兩隻豬, 今次主要比達達!
達達近來好惡死, 脾氣好差, 動不動就鬧交, 或者吠到嘈晒; 呢D都係情緒壞, 我唔知個源頭, 無頭緒去邊度撲火, 唯有諗大路嘅方法!
朋友話毛孩年紀漸大, 都會同人類一樣, 有感於好多事都力不從心, 同以前唔同晒, 所以會有焦慮, 不安, 用吠叫等去表達.
我唔知達達係咪呢個原因, 但就感覺佢情緒係有問題, 往時唔會咁不耐煩, 唔會好似葉問打拳亂咁抓!
我唔想比任何藥物幫助喇, 即使花藥順勢藥, 密密餵藥都壓力大, 今次試用英國Adaptil狗費洛蒙插電擴散器 , 希望比到佢安全感, 降低警戒同焦慮啦.
呢個係最無搔擾性嘅情緒治療, 只要插入電源, 就會釋放令佢哋平靜嘅信息素, 希望有用啦!
 |
| Link: Adaptil Help Dogs Cope with Old Age |
另一樣就係加拿大Cranimals紅莓素, 達達尿尿PH值時常偏高, 尿液嘅酸鹼不平衡, 好怕會形成腎石, 膀胱炎膀胱石呢類問題, 雖然加咗acidic vit C, bladder support係有改善, 但呢D唔可以長用, 我都係想搵隻天然嘢做個保護.
今次試吓呢隻紅莓素, 呢隻除咗達達啱用, 對波波嘅牙齦都有幫助, 腎功能欠佳都適用, 簡簡單單每日灑少少落佢哋嘅晚餐度就好, 兩隻豬仔都受用!
加拿大Cranimals《有機原味小紅莓精華粉-120g》抗氧化，泌尿道健康【添加DHA】
CRANIMALS有機小紅莓（=蔓越莓）精華粉是由有機認證機小紅莓製成，
（USDA有機認證、Ecocert Canada有機認證）
原味蔓越莓
蔓越莓含有原花青素，其可抑制大腸桿菌黏附在泌尿道上，黏附在尿道上的細菌是80-90％尿路感染的主因～
所以蔓越莓特別適合於腎功能欠佳或有泌尿道問題的寵物～
此外，蔓越莓也可抑制止牙菌斑的生長，對牙齒和牙齦健康也有幫助。
小紅莓的花青素對於抗自由基、抗氧化、消炎，抗菌、抑制破壞眼睛酵素等功效都有幫助，相對的對於心臟、血管、眼睛健康也有好處唷！
今日忙到跳舞, 天文台預測之後天氣開始凍, 要趕喺轉冷之前幫佢哋浸微泡, 免得著涼!
再要趕去交收, 時間緊迫撲到我好似於賽道上跑步!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
