 |
| 相片連結 |
今日達達豬正式10歲生日, 同往年一樣, 自己隨便做個 birthday cake, 屋企有嘅材料盡用, 外觀就一定麻麻哋喇, 但希望好味, 佢會鍾意啦!
今次用咗好多茅屋芝士, 之前為咗做布緯比豆b, 定期訂咗落嚟, 未可以立時中斷, 再唔用多D真係驚過期, 唯有用嚟做cake放落去, 自己幫口食返D啦!
講真比人食味道真係好淡, 好輕甜味, 全靠少少raw honey同南瓜帶出味道, 我真係麻麻哋, 但兩隻豬就好鍾意!
今日同呢隻刁蠻公主影返幾張相做個紀念, 算係呢幾個月嚟最合作嘅一次, 雖然佢都係無比燦爛嘅笑容, 但起碼都算歡容, 無比佢鬧餐死😉!
用咗個費洛蒙擴散器兩日, 會唔會有D幫助? 暫時未覺佢哋情緒有好明顯改進, 希望持續去用, 往後會見到效用多D啦!
同時間睇返呢幾年達達生日嘅相, 最大分別係達達今次笑容欠奉, 仲有隨住時日流逝, 達達都年華老去!
不過喺我心目中佢哋永遠係我長不大嘅BB, 日日都要呵護備至🙂!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
