 |
| 齊齊用花藥幫吓! |
阿女話雙11, 問我有無嘢想淘?
即刻上網搜尋, 天氣漸凍, 都係望吓D衫買比豬仔啦!
點知越望越心痛, 以前每見到同款裙仔都會買唔同顏色, 一款兩件, 琴日見到同款唔同色嘅裙仔, 個心好似比刀劃過咁痛....唔想再睇放棄去淘 😭
不過算喇, 淘返嚟嘅衫仔我都多數當道具用, 比佢哋著住影吓相, 有D新鮮感滿足自己嗟; 某D質料長時間著都會擔心出問題, 而且波波唔鍾意著衫, 唔出外唔會凍都唔使著喇!
日常生活無須刻意, 但就牽動起我回憶豆b一切無窮無盡, 漸漸平靜嘅心湖, 又波濤洶湧, 眼中又鋪咗層霧😢!
每次同朋友講起豆b, 仍然心痛, 越講越哽咽難自控, 無諗過呢隻豬令我情緒常波動, 希望Ka學到高班, 可以同豆b再溝通, 我好想知佢走後嘅生活, 好掛住佢啊!
 |
| 之前做嘅羊毛氈豆b, 已經係4年前, 輪廓有改變, 今日修改過, 希望似近貌! |
人同人好講緣份, 原來動物都一樣會選擇是否交心, 以往我都試過動物傳心, 但真係無Ka講得咁中; 雖然佢話只係初班, 但感應能力應該係無規限, 又或者我3隻豬都同佢夾!
早幾日我叫Ka幫我同達達傾吓, 呢個女近日好暴躁, 成日想嗌交, 嘈到我好煩; 估唔到得到達達嘅表達會係咁, 佢好豁達!
佢話知道豆b已走, 豆b有講佢知, 但佢好唔明白, 點解要傷心啊?
佢話每個生命到時候都要返天家啦, 咁正常嘅事點解要唔開心? 實在難明白!
佢討厭屋企氣氛變晒, 佢唔鍾意呢種氣壓, 心情差!
以前同達達傳心唔容易, 大都話佢只係轉圈唔睬人㗎!
然後係波波, 我都叫Ka幫吓我啦, 叫佢同波波講聲會帶佢見醫生, 要合作要聽話, 唔使緊張啊!
波波有問會痛嗎? Ka安撫佢話醫生會溫柔, 唔使怕!
當日見波波比醫生又按又敲, 佢表情係放鬆嘅, 等我仲暗暗開心個仔同呢個醫生夾, 點知....世事難完美啊!
兩隻豬情緒都需要調較, 齊齊早晚食花藥, 希望大家嘅心情都好快回復正常狀態啦!
 |
| 琴日落雨都落樓下行吓, 等波波吠吓發洩吓 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
