 |
| 你哋傾過D咩呀? |
豆b走咗26日, 快將一個月喇, 但我對佢嘅想念絲毫無減, 仍然好掛念!
早兩日Ka同波波傳心, 個仔話豆b有返過嚟同佢道別, 佢話豬豆唔會再返嚟喇, 佢應該向彩虹橋出發, 開始佢嘅新一頁; 好為豆b開心, 無謂對前生過度留戀, 祝願豆b乖女, 來世有更豐盛嘅一篇!
不過我自己就好失落, 知道佢唔會再返嚟更懷念, 點解我只見到佢兩次咁少, 點解豆b再返嚟嘅時候唔比我見😭
佢應該係唔想我放唔低, 唔想我見多一次有更多不捨, 毛孩比我哋更洒脫!
豆b你唔再返嚟唔緊要, 但願你可以入我夢, 比我再重溫我哋嘅過去, 以解我嘅思念!
對豆b離去咁鬱結係前所未見, 可能之前有返工, 無同毛孩朝夕都見住面, 又有工作分散咗注意力, 唔會咁糾纏; 今日嘅我重心全傾向照顧呢三隻豬, 較難放開道理好顯淺, 不過我明白呢D情緒唔應該繼續, 我會努力行前.
對我咁戀戀不捨嘅豆b都可以踏步向前, 我唔可以有咁差嘅表現!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
