 |
| 表情落寞 |
從來無覺得波波同豆b好感情, 接咗豆b返嚟咁耐, 凈係見呢對孖生姐弟成日吵吵鬧鬧!
6年來, 佢哋嘅相處模式我都覺得好煩, 豆b不停要媽媽關愛波波就猛鬧, 一言不合就打交, 永遠水火不容好難搞, 我曾經有疑問我帶豆b返來究竟啱唔啱?
日子就係咁嘈吵中過去, 當然有時都見到佢哋會追追逐逐一齊玩, 相處和諧!
video :玩都好似打交
:古怪相處模式
我其實好疑惑, 究竟波波同豆b知唔知到佢哋係同胎姐弟? 流嘅係一樣嘅血㗎?
曾經睇過有報導, 話動物係依靠嗅覺去辨認兄弟, 莫非佢哋兩個自細已分開, 忘記咗細時嘅相親相愛喇?!
 |
| 已經忘記咗細時相親相愛? |
豆b有重病呢段時間, 我諗波波係好早sense到豆b會走喇, 原來孖生感應真係有分別, 祇係我後知後覺反應慢; 波波情緒繃緊咗好長嘅一段時間, 好緊張成日都瞪大對眼, 甚至A見到佢都話佢似個神經漢啦!
我都覺佢凸眼, 都即刻睇醫生, 睇埋眼科都話正常, 但佢對眼都仲係瞪到凸晒 :(
到豆b走後我先知佢呢段時間應該壓力好大, 無論佢知唔知呢個係家姐, 但佢哋一齊生活咗咁耐時間, 對於一個同伴要離去, 要面對都係艱難!
呢個仔唔似達達, 敏感好多, 達達嘅性格就易辦!
 |
| 呢個位置佢可以望到窗外嘅天空, 佢諗緊乜? |
波波喺豆b走前數日開始胃口差, 一直延續到今日, 其實我有擔心佢身體係咪又有事, 經過豆b一役我好驚啊; 但睇過呢段文章, 咁佢未能接受到都有可能, 可能打打鬧鬧都係佢哋相處嘅一種模式, 並唔代表感情唔親密!
Your pet may not have much of an appetite in the days following the death of a housemate
豆b走咗之後, 波波明顯唔開心, 原來同胎始終係特別親近; 我盡量叫自己唔好太focus喺佢嘅壞情緒, 要學習唔好將佢嘅不安放大, 都係出去行吓, 大家都將D壞情緒釋放啦!
比多D時間觀察, 再係咁又要見醫生喇, 唉!
http://healthypets.mercola.com/sites/healthypets/archive/2015/09/19/helping-surviving-pet-deal-with-loss.aspx
幾日前我emailed咗澳洲, 同順勢整體療法醫生交代一聲豆b已走, 亦有提及波波無胃口好唔開心!
我好快收到佢嘅回覆安慰問候, 早兩日更收到佢送比波波嘅一樽療劑"grief eze", 我即時淚崩...
佢用行動表示咗對波波, 對我哋嘅關心!
養咗毛孩咁多年, 睇咗香港咁多醫生, 未遇過有一個醫生, 當毛孩離去有過一句問候, 即使係長期睇嘅家庭醫生都好冷感; 相比起迢迢千里嘅國外, 3隻豬跟咗唔係好耐嘅順勢醫生, 對豆b嘅離開竟會表達慰問!
