呢個新年豆b又開始密密打乞嗤喇, 伴隨住佢嘅乞嗤, 好多時都聽到佢呼吸都有D"嘓嘓"聲, 有時我真係好驚, 見佢咁辛苦, 又唔知點幫佢!
基本上佢真係超敏感嘅, 如果我開住暖爐, 關上房門, 比佢留喺房內瞓住暖墊, 佢都唔會發作, 但我無可能唔出入嘛, 只要我一打開房門, 每次空氣轉換, 即使幾分鍾, 佢就會狂打乞嗤喇, 雖然幾分鐘後佢會停止, 但對我嚟講呢幾分鐘真係好長, 我真係好驚佢又整損個鼻膜, 噴血絲呀!
上網搵吓資料, 究竟呢D會係乜嘢問題; 見到有個症狀, 描述得同佢好相似, 叫做"逆向性噴嚏症", 唔知佢有無可能係呢個病呢? 因為每次同佢見醫生, 我都有提及佢呢個徵狀, 但醫生聽診完都話佢心肺聲屬正常, 但氣管比較差, 打乞嗤大都話係鼻敏感引起, 唔駛食藥, 只著重於環境管理.
姑勿論係乜嘢問題, 係氣管偏窄? 逆向性噴嚏症? 還是純係敏感, 呢隻豬仔嘅呼吸系統比較薄弱, 就無可置疑喇!
我已經好小心揍佢, 整多D鱷魚肉佢食, 都有好一段日子佢無發作喇, 但天氣轉變真係控制唔到嘛!
都無辦法啦, 唯有希望同佢build up好自身嘅免疫系統, 身體強壯D, 唔會咁易病發啦, 雖然打乞嗤唔係大病, 但睇見佢真係幾辛苦架!
搵到一個網頁, 有好詳細嘅描述, 仲有影片可以對照下狗狗扯氣不同嘅聲音, 真係一個好好嘅參考!
波波有時都會發出呢D聲音, 原來叫"猛烈吸入鼻腔症狀", 呢個症狀係唔會惡化, 亦無需要治療嘅, 睇咗真係安心好多喇!
http://tw.myblog.yahoo.com/marsh0605/article?mid=944&prev=4652&l=f&fid=56
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
