 |
| 打咗針瞓醒覺精神明顯好咗! |
今早波波都係無胃口, 又係好驚咁成身震, 睇見咁真係心痛, 希望時間快D過, 快D等到下午啦, 更希望見咗醫生後會搵到佢究竟發生乜事啦!
去到診所, Hsiang醫生同姑娘姐姐都知我求診嘅大概原因喇, 因為掛號時我都講得好清楚; Hsiang醫生好細心同波波驗查, 先探熱摸肚仔, 聽心跳量脈搏, 然後眼耳口鼻, 手手腳腳, 全身每吋咁按壓, 每次按到佢背脊佢都尖叫, 咁好大可能都係背脊出事喇!
Hsiang醫生話照x-ray會清楚D, 但現階段唔想刺激佢, 驚佢大力掙扎會觸及患處, 傷害更大, 但又唔想隨便打鎮靜劑, 後來幾位姑娘建議合力穩住波波, 等佢可以順利咁完成過程; 真係要好多謝幾位姑娘姐姐, 佢地好有愛心, 雖然我見到個仔比咁多人捉住, 面露好驚恐嘅表情, 個心又亂又痛, 但聽到姑娘姐姐溫言婉語咁氹佢, 我好安慰喇!
等咗一陣, Hsiang醫生交咗隻CD比我, 叫我保存住, 如果有需要睇神經科, 就帶比專科醫生睇, 我聽完個心即時沉咗落底!
跟住同我講, 佢話有一個好消息同一個壞消息; 好消息係搵到多日來波波咁唔正常嘅原因, 壞消息係, 佢証實咗背脊有骨刺!
 |
| 其中一張X-ray, 圈住就係波波嘅骨刺 |
好明顯係佢郁吓都痛, 又唔知點解, 所以佢好驚, 因為痛, 佢無晒胃口, 亦唔敢郁, 所以有一連串疑似情緒病嘅反應!
Hsiang醫生比我睇片, 好詳細咁解釋, 指出波波邊個部位有骨質增生, 即係有骨刺!
佢話波波髖關節好圓潤好靚, 兩個膝蓋有少少移位, 但極輕微, 仲有松鼠狗常有嘅氣管下陷, 波波都無, 佢氣管算得上好粗壯! 其他都無見到有異狀!
慶幸骨刺暫時唔係去到好嚴重嘅階段, 依家會開非類固醇止痛藥比佢, 希望佢止咗痛好好保養, 唔會惡化落去; 亦無需要食任何骨質補充品, 因為對呢個部位無幫助, 最好嘅保養就係唔比佢跳; 仲開咗後備止痛藥比我, 如果日後見到佢出現相同情況, 可以嘗試比佢食, 如果無幫助, 就要立刻求診; 因為X'ray只可以見到骨刺, 有無椎間盤凸出問題係唔知; 有事千萬唔可以唔理, 如果係神經問題可能會導至嚴重後果, 唔排除要做手術, 唔係會癱瘓架!
佢話波波髖關節好圓潤好靚, 兩個膝蓋有少少移位, 但極輕微, 仲有松鼠狗常有嘅氣管下陷, 波波都無, 佢氣管算得上好粗壯! 其他都無見到有異狀!
慶幸骨刺暫時唔係去到好嚴重嘅階段, 依家會開非類固醇止痛藥比佢, 希望佢止咗痛好好保養, 唔會惡化落去; 亦無需要食任何骨質補充品, 因為對呢個部位無幫助, 最好嘅保養就係唔比佢跳; 仲開咗後備止痛藥比我, 如果日後見到佢出現相同情況, 可以嘗試比佢食, 如果無幫助, 就要立刻求診; 因為X'ray只可以見到骨刺, 有無椎間盤凸出問題係唔知; 有事千萬唔可以唔理, 如果係神經問題可能會導至嚴重後果, 唔排除要做手術, 唔係會癱瘓架!
腦裏面即刻出現網友J狗狗嘅影像, 當日狗狗就係發覺行路無力, MRI後發覺到咗好嚴重階段, 要做手術; 睇到狗狗背部嗰道長長嘅傷口, 我都心痛, 如果係波波.....
但又立刻安慰自己, 安安都有過一樣經歷, 當時食咗一個療程類固醇後, 一直無復發過, 當然我要控制住唔比佢大動作, 跳上跳落等!
唔知係咪近來同波波出去散步, 佢成日撲狗狗, 引發今次嘅事件, 點解每次我都好似好心做壞事呢? 以為行為訓練, 同佢散步會釋放壓力, 結果又攪出個大頭佛!
今後都係要推番車仔, 見到無狗狗先比佢行吓, 絕對唔可以再比佢又撲又跳喇!
揍達達同波波呢兩隻豬仔, 真係好辛苦, 辛苦在加諸精神上嘅壓力, 好似無時無刻都有新嘅難題, 逼到埋身要解決, 連一刻喘息嘅機會都無!
我自己好清楚, 如果樣樣事都咁緊張, 就注定我唔可能輕鬆過渡; 但性格主宰一切, 我無得選擇:(
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
