 |
| 精神唔錯, 但未100%康復 |
 |
| 好彩有番胃口喇 |
好多謝呢兩日好多朋友同網友嘅關心, 有大家素未謀面嘅, 但都熱心同我分享佢哋嘅經驗; 佢哋好多都係過來人, 狗狗都有過相似毛病, 有骨刺喺背部嘅, 頸部嘅, 膝關節嘅; 佢哋都一致建議我比波波食關節補充品; 但H醫生話過其實對背部嘅骨刺唔會有大幫助; 不過我認同網友V所講, 就當佢係止痛藥, 天然無藥性, 無副作用, 點都好過依靠止痛藥物啦! 佢話佢狗狗骨刺喺頸部, 上次發病後, keep住食補充品, 就無發病過喇!
 |
| 要開始同佢哋補養關節, 痛痛真係好慘! |
OK, 就係呢個論點, 我決定比波波食啦, 希望幫到佢唔會再痛, 無惡化就夠喇! 諗諗下豬女都同波波同齡, 係咪都需要做D補養呢? 好多狗糧都有添加葡萄糖氨, 反而依家食咗homemade diet, 就無補充添, 都係每日比一半份量豬女食, 未雨綢繆做個保養, 希望佢哋永遠都唔會有咁嘅毛病!
其實都唔係好明生骨刺呢樣嘢, 照道理骨質增生咗, '吉'住神經線, 如果唔做手術切除咗凸出嚟嗰部份, 應該都會影嚮佢痛, 食止痛藥好似暫時性麻醉住, 等佢唔覺痛, 咁唔食咪唔得?
但諗番起以前安安發病, 佢又真係食咗一個療程藥後, 七年來直到佢過身, 都無病發過, 照道理骨刺都仲喺度, 點解乜都唔駛做佢又唔再痛呢? 真係好唔明! (不過嗰時我都無比補充品佢食, 到左後來先識比葡萄糖氨軟骨素, 唔通就係咁嘅關係, 所以佢一直無再病發?)
上網搵咗D資料,係講椎間盤突出壓住神經線, 雖然同骨刺有D唔同, 因為骨刺可以喺X'RAY睇到, 但椎間盤突出就要照MRI先確認到, 但有咗一個概念, 照顧波波都可以參照, 係唔可以跳!
【椎間盤突出壓住神經線】之【腰椎椎間盤突出】- 轉貼
其實，狗狗有可能係患上《椎間盤突出壓住神經線 - 腰椎椎間盤突出》
點解有D個病?
如果你所養既狗狗係北京、西施、臘腸、歌基、八哥、法國老虎及玩具貴婦，就要特別留意！但當然，也有例外的品種！因為狗狗會發生D個病，通常與品種和遺傳有莫大關係！
狗狗的脊椎中有很多節椎間盤，而椎間盤內是含有一些稱為軟組織的物質(像o者喱般的物質)，
如果椎間盤內的軟組織提早老化，就會變得容易擠出椎間盤外壓住神經線！
而狗狗日常生活亦會加快軟組織老化 及 突出，例如：跳躍、上落樓梯、過度攝取鈣質 等....
而另一個情況，就是狗狗突然受到撞擊，令到椎間盤受到擠壓，都是成因之一！
如果情況嚴重的就要做手術！
呢個病分5級：
第一級：
腰痛、唔中意人掂、身震、胃口差、性情轉惡、唔跳唔跑、唔願郁！【通常醫生會開止痛藥比狗狗食及困籠兩星期觀察情況會否變差】
等二級：
病徵，同第一級差不多，但行路時會好似飲醉酒，開始後腳無力和後腳感覺好慢，喘氣。【通常醫生會開止痛藥比狗狗食及困籠兩星期觀察情況會否變差，
但亦有個別例子需要做手術，例如服了一段長時間的止痛藥無好轉、又或者痛得好厲害！】
第三級：
喘氣，後腳無力、企唔穩、行路拖住行、反射神經及後腳感覺變差、狗狗好似唔知自己有後腳 等.....但狗狗仍然應覺到痛楚，會知道好痛！
【這個時侯，止痛藥已經起不了大作用，主人應該要考慮同狗狗做手術，而且要有心理準備情況會突然變差！】
第四級：
同第三級差不多，但開始會失禁，無法控制尾巴，後腳痛楚感覺開始遲緩，甚至已經唔識痛！對下身所受既外來刺激已經感覺不到！
【這時侯，狗狗要做手術！而且越快越好！過了病發後四十八小時黃金時間，就算做手術，康復率都會減低！ 】
第五級：
狗狗後腳已經無任何痛楚感覺。下身完全處於癱瘓情況！大小便已經不能控制！【如果去到五級，狗狗必須24小時內進行手術，若錯失這個機會，狗狗會永遠行不到。】
第一、二級可以困籠休息和食止痛藥，但要注意，食藥只是止痛用！不是已經醫好，只是暫緩個病發出黎！
【止痛藥有分類固醇和非類固醇成份，兩者會有分別！最好問問的醫生】
值得注意的是，食左止痛藥，就算止到痛後，椎間盤內的軟組織是無法縮回椎間盤內！
之後觀察兩星期有無變差，但若穩定，狗狗可以放監，但要慢慢，不能跳。
若食藥後情況仍然變差，主人要有心理準備，有可能要做手術！
又有陣時聽見D狗主話，平時睇開個醫生話呢個病冇得醫，狗狗需要人道毀滅！
又或者醫生會建議幫狗狗打兩支高劑量既類固醇針，甚至吊一D好貴，又話幫助骨的藥DxxO！
但結果係冇好轉！甚至情況差左，這樣只會拖慢了病情!
【類固醇有可能會引起副作用（如肚瀉），而且對此病沒有實際幫助！】
其實係香港係有獸醫識做這種手術，但要小心選擇獸醫，這種手術不是小手術！
脊椎神經科手術，並不是一般手術，有咩差錯，狗狗一世都行唔返。
這個手術並不是在骨頭上做，而是在神經線附近或下面做！
所以醫生一定要訓練有數，這不是一般骨科手術，一定須要受過特別訓練！
當狗狗有了這個病，決定了做手術！獸醫首要是要知道狗狗邊一節椎間盤出現問題而確定開刀位置！
而確定方法暫時只有兩種：
打顯影
照磁力共振（MRI）
究竟兩者有什麼分別呢？
打顯影：
是一種比較古舊的方法，風險很高，比較危險，唯一可取就是價錢平！
經全身麻醉後，獸醫需要在動物的椎間盤與椎間盤之間的有限位置，注入顯影劑【一些類似螢光劑的物體！】
之後等待一段時間讓顯影劑滲入神經線著色，之後再照X光機，反射出影象！【單是x-ray是看不到神經線的。】
如果在打顯影期間，打的位置不正確【例如錯誤地注入神經線】
輕則一世行唔返。重即會死亡，因為有可能打中中樞神經。
照磁力共振（MRI）：
是一種比較新的科技，同樣需要全身麻醉！
但過程會比較快及安全，需時約只須十五分鐘！
只要將狗狗放在儀器下，儀器會照出不同角度，之後就會清楚見到邊節有軟組織突出壓住神經線。
係香港話自己識做脊椎神經科手術的醫生：
（一）受過特別專業訓練，而取得專科文憑的【專科醫生】
（二）有有關手術經驗的醫生【骨科醫生】
（三）好喜歡嘗試不同手術的醫生，勇於嘗試【但係咪真係識做就天曉得！】
其實大家可能唔知道，骨科手術和脊椎神經科手術的分別！
骨科手術，當然手術位置大部份都在骨頭上做的。也有他的難度！
脊骨神經科手術，係在神經線附近做手術，所以難度會高D！
最後有幾點可作參考：
． 減少跳上跳落
． 抱狗狗時，不可以只捉前手，應抱胸及pet pet，盡量腰骨要平
． 不要食鈣片or 鈣丸，.一般成犬狗糧鈣的成份已經足夠，食得太多鈣，有機會膀胱生石或腎石！
甚至令骨頭變得脆弱。好多時D主人會唔會食多D鈣會對骨好，呢個觀念係錯！狗和人係呢方面係唔同。
唯一一種情況下狗狗須要食鈣，就係狗媽媽生了好多狗BB，D BB食奶食得好勁！
呢個時侯，就可以俾鈣狗媽媽食，又或者俾BB狗糧餵狗媽媽，因為BB糧鈣的成份會多D。
． 儘量少行樓梯
． 不鼓勵做（請請）動作
． 不可太肥
希望可以減低病發率！但男仔狗比女仔狗，男仔病發多D。
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
