 |
| 波波唔記得晒背脊曾痛痛, 又紮紮跳喇, 真擔心又整親! |
呢幾日都為咗同波波選擇一隻適當嘅骨骼補充品傷透腦筋!
自從決定咗用呢類補充品後, 就猛咁搵料, 睇邊隻較為合適; 一般關節補充品, 大都著眼於joint pain, 又或者幫助老年風濕, 咁對波波嘅背部骨刺又好似唔太適合, 我希望搵到一隻專for背部嘅!
入咗去"椎間盤突出"分享區, 睇咗好多病例, 係嗰度見到有網友提到神經科權威醫生建議嘅一隻專為背部而設嘅supplement, 而網友們都好熱心分享, 認為呢隻係幫到忙嘅一隻補充品, 我亦將呢隻補充品條link send咗比H醫生, 請佢比D意見! 雖然H醫生都係覺得其實幫助唔太大, 但試下都無防, 希望波波可以吸收到少少好處啦!
其間真係要好多謝多位網友, 朋友推荐過好多不同品牌嘅呢類產品, 都係佢哋寶貝食緊而又覺得有效嘅; 呢D關心, 安定咗徬徨嘅我, 起碼都唔會覺得全無希望, 都有少少可能補得住波波嘅骨刺唔好咁容易惡化!
 |
| 波波好似無以前咁歡容 |
要最多謝網友Ka, 佢喺工作忙碌之餘, 仲上網同我搵料, 比我忠告, 例如邊隻品牌長期食對腎臟有害, 怕我喺最六神無主嘅時候藥石亂投, 叫我放鬆, 唔好心急!對於一個喺網上認識, 素未謀面嘅網友, 比我呢份關心, 真係好感動; 邊個話互聯網上唔會交到朋友?
集合咗好多意見, 最後我決定試用專for背部嘅配方, 不過又要從美國訂番嚟! 如同我用緊嘅魚油一樣, 香港只係特定診所有售; 我嘅寶貝真係巴巴閉, 魚油丸, 骨骼補充品, 甚至沖涼用品, 全部都要美國郵購番嚟嘅(苦笑), 唉! 為咗希望比到最適當嘅佢哋, 都無辦法啦!
 |
| 相片中嘅達達, 毛毛都仲可以騙吓人 |
快將過年喇, 多多少少都要有D準備, 會忙少少!
今日幫達達豬沖咗涼, 敷完扶養泥後, 睇落D毛毛都幾靚, 希望佢停止再甩毛, 爭爭氣氣咁做番個靚女女啦!
波波我唔敢攪佢喇, 開左盆蘋果醋熱水, 同佢抹身算喇, 再整傷佢, 都唔知點過年!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
