 |
| 真係未見過咁怕凍嘅狗狗, 要加埋件羽絨褸比佢墊床仔, 咁先唔再噴鼻水! |
豆b持續打乞嗤, 環境管理已經盡量做到最好, 但對佢幫助唔係太大, 最後唯有比半粒抗敏感藥佢食啦, H醫生話過如果真係打得頻密, 就可以每日比佢食兩次, 將症狀緩和落嚟; 豆B食藥後再無發作喇, 連瞓覺都聽唔到好大鼻鼾聲, 今次應該純係鼻敏感引發嘅問題!
敏感呢樣嘢又確係幾困擾嘅, 只可以盡量遠離致敏源, 無辦法根治, 但天氣嘅轉變, 就好難掌握喇; 自己個女都有鼻敏感, 病發時都係狂打乞嗤, 嚴重起嚟會鼻塞到透唔到氣, 頭痛兼發燒添, 呢D咁嘅症狀, 唔算大病, 但都幾折磨人(狗)架!
豆b情況總算緩和落嚟喇, 今日唔太凍, 仲有陽光添, 就同幾隻豬仔出去行吓啦; 雖然波波有骨刺, 兩隻豬女關節都有輕微問題, 但絕對唔可以連基本運動都無, 步行係一個好溫和嘅運動, 只要唔跑唔跳, 係對關節有幫助嘅, 完全唔做運動, 反而會關節硬化呢!
都只不過兩星期多無比佢哋行街街, 幾隻豬仔完全不在狀態!
波波行到窒住窒住咁, 今日係我第一次同佢用EASY WALK胸背帶, 可能佢唔習慣啦, 因為稍為跑快步, 都好似比樣嘢箍住, 所以佢行得唔係好開心!
但我覺得咁安全好多, 起碼佢唔會再用盡全力衝, 跑, 跳, 無咁易整傷嘛; 最多我配合住佢行路嘅速度啦, 希望佢習慣咗會行得開心番啦!
豆b情況總算緩和落嚟喇, 今日唔太凍, 仲有陽光添, 就同幾隻豬仔出去行吓啦; 雖然波波有骨刺, 兩隻豬女關節都有輕微問題, 但絕對唔可以連基本運動都無, 步行係一個好溫和嘅運動, 只要唔跑唔跳, 係對關節有幫助嘅, 完全唔做運動, 反而會關節硬化呢!
都只不過兩星期多無比佢哋行街街, 幾隻豬仔完全不在狀態!
波波行到窒住窒住咁, 今日係我第一次同佢用EASY WALK胸背帶, 可能佢唔習慣啦, 因為稍為跑快步, 都好似比樣嘢箍住, 所以佢行得唔係好開心!
但我覺得咁安全好多, 起碼佢唔會再用盡全力衝, 跑, 跳, 無咁易整傷嘛; 最多我配合住佢行路嘅速度啦, 希望佢習慣咗會行得開心番啦!
 |
| EASY WALK拖帶扣喺肩胛前面 |
達達就行到跌跌撞撞咁, 個樣好緊張, 唔知係咪耐咗無行呢, 好彩好快佢就適應番喇! 我發覺佢喺甩毛嘅時候, 都係比較神經質嘅, 可能佢身體內分泌有影晌啦, 好耐無聽過嘅尖叫聲都出番晒黎; 希望佢唔舒服嘅日子快D過去啦!
 |
| 佢真係好enjoy行街街, 好快適應番! |
豆B應該係最無問題嘅一個喇, 但係佢懶, 行一陣就要抱抱, 以前都唔會咁嘅, 真係寵壞咗喇!
番屋企食完晚飯飲咗湯, 3隻豬仔聽住音樂瞓覺豬喇!
 |
| 呢隻名乎其實嘅豬仔, "懶" |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
