鱷魚肉燉湯

休息多Ｄ啦！

波波情況轉為穩定, 雖然未去到無事嗰時咁精神同活躍 (我都唔想佢好似以前咁紮紮跳喇, 其實應該困籠架, 不過好彩佢鍾意上我床瞓); 但佢無再尖叫, 打震, 同有番胃口食嘢喇!

因為知道咗佢發病原因, Hsiang醫生忠告我抱佢嘅時候要識點去承托住, 唔可以抽住腋下抱起, 一定要逗住個pat pat; 其實我通常都係托住佢胸口抱佢哋, 好少會抽起佢哋嘅！

可能有止痛藥幫助, 我又就住無整痛佢, 情況尚算安好, 就等佢休息多D啦, 午飯後比佢同達達豬上床瞓, 豆b都係自己瞓床仔!

一切暫時算係安頓落嚟, 又要打理其他豬仔喇!
昨日徵詢過Hsiang醫生意見, 關於達達再度甩毛問題; 佢同意比達達加藥至正常劑量, 即係唔再隔日食, 要每日都食喇; 佢話一般到咗春天會好轉嘅, 希望係啦!

 豆b向來氣管比較弱, 間中會聽到佢發出好似蜂鳴咁嘅聲, 我好想搵吓有乜食療可以幫到佢!

朋友A話以前試過比鱷魚肉狗狗食, 一段日子後有好嘅改善; 雖然波波同達達無呢個情況, 但食少少滋補吓都無防吧, 反正鱷魚肉有嘅係優良蛋白質; 網上睇到有狗狗經常氣喘, 主人都係用鱷魚肉燉湯調理好番！ 

叫老公買咗鱷魚肉番嚟, 今日用淮山杞子燉湯比佢哋, 波波達達飲少少, 主要為豆b而做嘅, 佢要飲多D喇, 清清哋試下受唔受得先!

盅湯燉起真係好香, 3隻豬仔都好鍾意飲

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！

聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。  望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！