 |
| 3隻豬仔願大家都有吉星高照, 遇事逢凶化吉! 相片連結year of dragon (2) |
大年初一, 恭喜發財!
送兔迎龍, 一年飛咁快就過咗, 回顧過去一年, 在我嚟講都有好大轉變, 當然首要嘅係, 我再唔係職業婦女喇, 仲有就係兔年我失去咗樂樂!
辭職呢個決定真係反反覆覆諗咗好耐, 一直擔心唔番工會好悶, 但搬屋後唔住喺公司附近, 再無可能有事時隨時跑番去增援, 如果要將幾隻豬仔完全交托比工人, 真係會好掛心, 最後都係決定同老細講拜拜, 專心一意, 用多嘅D時間照顧幾隻豬仔啦!
原來唔番工嘅日子一D都唔會悶, 要親力親為照顧幾隻臭豬仔, 真係要用上唔少時間; 先唔講佢哋身體上嘅毛病, 為咗比佢哋 改食自煮肉加乾菜糧, 都做咗好詳細考慮, 因為狗糧配好晒嘅補充品, 食自煮肉加菜都要自己再按需要添加部份, 要用嘅補充品, 無論品牌同類別, 都得加以研究, 再者幾隻豬仲有唔同嘅身體問題, 如果要番工, 肯定無可能有咁全面嘅照顧!
幾隻豬仔生活都有好大改變, 由去街坐私家車, 改為自己行行喇! 正常日子(唔落雨, 唔太凍)每日我都會帶佢哋行街街, 而達達豬就係咁克服咗出到街唔敢行呢個心理障礙, 目前佢都算行得唔錯喇, 呢個係一個好大嘅得著!
雖然過去一年, 連其餘嘅豬仔都確診有甲低, 波波又發覺背脊有骨刺, 達達又再度甩毛, 但希望我依家有多咗時間貼身照顧, 佢哋身體嘅毛病唔會惡化, 只要穩穩定定, 我就心足喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
