 |
| 冬暖夏涼兩面都用得, 好舒服喔! |
步入會場, 見到並唔多人, 可以慢慢行慢慢睇吓有無新項目; 不過行嚟行去都不外乎嗰幾類, 真係無嘢買得落手!
佢哋D衫仔多到著唔晒, 好多買咗都未開封, 最主要係佢哋都唔鍾意著衫, 尤其係波波, 著咗衫仲唔肯行, 無諗住再買喇; 佢哋食嘅係homemade, 乾糧唔啱我啦, supplement就更家唔敢隨便買, 要做足資料搜集; 零食又要揀, 怕咗包含有害物質嘛; 而且3隻豬又懶, 唔肯咬嘢, 可能牙仔都差咗啦, 硬少少都無興趣喇; 以前豆b唔會揀, 鹿筋都會咬, 依家都唔吼啦, 上次喺IHERB都訂咗D零食, 今次是但買咗兩包脫水魚同3隻豬交差!
仲有咩好買呢? 床仔又多到就嚟要租迷你倉擺喇, 次次都唔係單獨買, 以前豆b未嚟就一拖二, 依家仲一開三, 咁張張床仔都無爛, 又唔殘, 點捨得丟呀? 舊D嘅都丟晒啦, 所以床係無諗住會再買!
但行吓行吓都係比張床墊所吸引, 其實款式一般啦, 好simple; 但一摸上手軟林林, 舒服到唔捨得放開喇; 我依家想佢哋多D伸展吓, 張床墊大大張, 點忍到手 ;P
今年係歷屆寵物展中買得最少嘢嘅一次喇, 包豁咗自己貪得意買咗對松松耳環, 都500大元有找!
但就睇中咗一個浸浴筒, 係韓國牌子SPA機嘅贈品, 問過單買個浴筒都幾貴, 又好似唔值嘛; 睇吓再搵搵, 希望可以買到比3隻豬浸SPA啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
