專科評估

 

雖然灑咗陣雨, 但都係熱爆, 今日熱都唔可以唔出街, 要帶豆b覆診喇; 其實自己都覺得佢好番晒, 但又怕停藥後又復發, 都係要比神經專科評估, 咁先放心啦!

出門前做足準備, 放個涼枕落袋比佢坐吓, 涼枕唔同冰種, 凍得溫和D, , 另外加咗一個細細嘅冰種, 再加埋把無扇葉嘅風扇,  相對咁綁住, 當風扇吹向冰種, 就好似涼緊冷氣:)
咁好服侍都係怕咗隻"論盡"豬又扯氣!

到達診所, 豆b開始大聲透氣, 呢D好似係天生本能, 感覺見醫生唔慌有好事, 好抗拒, 好敏感; 還好雖然係喘氣, 但脷仔顏色好靚, 咁都OK; 同佢傾偈分散吓佢注意力,  好快就到我哋入去!

呂醫生check過佢前後手脚, 話比之前有力, 檢查埋條頸仔, 肌肉已無咁tense; 但仍雖要再食2星期藥, 但就減藥份, 今次食之前一半份量就夠喇!
醫生話無事就唔使覆診, 但要萬分小心, 如果再見有異狀就要見醫生喇! 

豆b唔該爭氣D, 唔好無咩痛痛就打橫行, 係咁用個頭仔撞嚟撞去嘛, 都係要繼續困籠, 喺我監察下先可以自由行動!
當然要繼續做物理治料, 希望隻曳豬早日康復!

睇完醫生無忘記兜過去旺角街市, 為3隻豬買龍躉魚, 諗起達達食得咁滋味我就開心, 再買埋梭羅魚, 再煲魚湯比3隻豬, 達達上次唔鍾意, 今次加埋南瓜落去, 甜甜哋咁應該OK啦, 達達真係超級揀食嘅麻煩豬!



多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！