 |
| 相片連結 |
琴日同3隻豬仔沖涼, 一次過做3隻真係幾攞命, 又想波波同達達做吓運動, 再游吓微泡泳啦!
豆b當然只可以浸浴, 佢每日都困籠, 無可避免會瞓咗上濕尿片度, 真係忍無可忍呢個涼一定要沖!
 |
| 一路吹毛都抱抱 |
平時佢已經係極唔合作, 放軟晒個身, 令剪毛毛加添高難度, 今次仲唔敢同佢整得耐, 連梳毛吹毛毛, 條頸仔都全程要用手去扶!
曳曳懶豬, 仲要個頭仔係咁追住我隻手, 擰嚟擰去, 呢隻豬做任何嘢都好難做得好:(
跟住到波波同達達, 都係浸浴前先做吓運動, 放滿浴缸水再游微泡泳, 希望建立到肌肉良好!
達達真係好大進步, 我先放佢落浴缸再放水, 等佢習慣水深程度, 見到水喉嘅水喺佢身邊ba ba聲咁流, 佢都不為所動, 以前佢一定會比D水聲嚇到!
今次我觀察住佢面部表情, 見到佢各方面都慢慢進步, 真係好:)
輪到波波, 我一樣咁做, 但波波細膽好多:(
淺水嘅時侯還好, 佢坐定唔敢郁, 到水深到一定程度, 佢就驚到離晒譜; 由始至終我雙手無離開過, 一直扶住佢游, 但佢都一副遇溺狀態, 眼仔凸晒, 大力打水, 攪到地下同我都濕晒 !
真係無鬼用, 似到我十足 :(
唔敢勉強, 游咗一陣, 放番佢落個膠箱浸浴啦!
希望波波會好似達達咁終有日有進步, 下次試吓先用花藥, 睇吓有無幫助啦!
休息完又到時間艾炙, 依家好忙, 一日廿四小時, 每段時間都set咗有不同用途!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
