 |
| 相片連結 |
自從達達腰椎出事, 感覺佢行得頗差, 行多幾步腰仔都有輕微搖擺, 脚仔又震晒, 情況咁差唔好話游水啦, 行都唔敢比佢行, 成日都要困住休息喇!
可能時間耐咗, 休息都足夠卦, 又或者係我勤力做物理治療都有幫助, 再加上補充品, 順勢藥都見到效用, 我覺得達達進步咗好多喇; 雖然同未出事前都仲有一個距離, 但起碼我敢比佢運動吓, 完全無運動會越嚟越難行得好啦, 腳仔同腰仔嘅肌肉都需要強化!
放滿浴缸水, 開咗部MILKY SPA機, 等佢游個微泡泳啦;)
達達好叻女啊, 雖然佢唔識游水嘅技巧, 但第一次咁啖定已經抵讚 :)
比佢試游5分鐘, 唔可以一次過運動量太大, 主要都係想有浮力幫助下等佢脚仔嘅肌肉運動吓, 佢畢竟未習慣嘛， 用埋 SPA機係希望加強佢血液循環, 有雙輔雙承嘅功效; 我相信達達會游得越嚟越好, 我會將時間慢慢增加!
跟住除咗浮水衣, 正式浸個微泡浴, 等微泡好好幫佢按摩吓; 然後, 吹乾毛毛, 達達豬好舒服咁瞓覺 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
