 |
| 波波等緊見眼科醫生! |
雖然Dr. Hsiang幾個月前都同波波checked過, 話無事叫我唔使擔心, 佢話如果咁驚去睇次眼科啦, 不過其實無必要!
呢個係我嘅心結, 我好怕延誤咗黃金時間, 好怕醫生同我講"太遲喇, 早就應該帶佢檢查!"
日復日咁過, 呢個心結一直未有放下, 總係擔心啦; 近呢幾個月波波有用手卒眼, 就促使我下定決心, 帶佢睇一次眼科, 專科儀器齊備, 會check得更清楚嘛!
準時到達太平道診所, 見眼科醫生Dr. Chow, 佢好好人㗎, 態度親切, 比我感覺專業, 唔會講說話模棱兩可, 比到我信心, 係可以信賴嘅醫生, 同波波做檢查亦好細心!
今次做得好全面, 放大瞳孔, 睇清楚眼底視網膜, 神經血管同反應快慢等等!
由於滴咗藥水要等時間, 我又開始猛咁問 :P
點解近來猛卒眼?
唔係眼睛嘅問題, 可能係外來因素影響, 例如天氣潮濕, 令佢眼嘅週邊皮膚敏感!
咁多淚水有無解決辦法?
其實要解決除非做手術, 但唔一定有效; 有D狗狗淚水真係超多, 令到週邊皮膚爛晒, 又發炎又臭, 就會建議試吓,不過波波絕對無必要咁攪, 波波打理得好好吖, 繼續咁做ok喇 ;)
佢眼珠綑咗D白邊, 點算?
呢D係黑色素問題, 對視力無損, 唔使理啦!
我有比眼睛supplement, 係葉黃素, 可以幫到嗎?
呢D好視乎個別身體吸收程度, 無數據話可以幫到晶體, 但食都無壞, 唔反對比佢食, 可以繼續!
反而有research話紅棗有幫助, 不過係食好大量喎, 哈哈!
我話出街有幫波波戴太陽鏡, 佢話咁幫助仲直接啦!
夠時間睇眼底喇, 由姑娘姐姐hold波波, 我好緊張呀, 大氣都唔敢透啖!
Dr. Chow結論係波波有非常健康嘅眼睛, 完全唔使擔心呀, 唯獨佢左眼中央有一點白內障, 應該係inborn problem, 應該好細個就有喺處, 估計唔會變大, 所以都唔使擔心, 近8歲嘅狗狗眼睛保養得好好啊!
咁都要係先天問題, 底子真係麻麻 :(
近日太多負面嘅消息喇, 朋友嘅狗狗先後出事; 前晚又有朋友嘅北京入咗院, 話唔會好只會越嚟越差, 聽到都心實啊!
近日聽聞嘅都唔係好事, 豆b頸仔都仲要食藥, 今日呢個消息就有如流入我心底嘅一道清泉, 總算聽到正面嘅好消息喇!
睇咗眼科, 聽咗Dr. Chow嘅解答, 今次我真係放心晒!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
