 |
| 相片連結 |
一個人嘅生活態度好壞, 全視乎你抱有乜嘢心態, 好多謝我3隻豬仔, 比我好多啟發!
原來不同想法去睇一件相同嘅事可以好相反, 今後我要努力學習, 喺每一件事去搵出優點, 令自己洗去不快; 好似好阿Q, 但阿Q精神都唔容易掌握㗎 :)
突然間有呢個領悟係今日為3隻豬仔開餐, 聽到佢哋嘈喧巴閉我不自覺笑起上嚟, 一D都無唔耐煩!
每日到咗差不多開餐時間, 3隻豬仔準時過我個響鬧, 我鬧鐘都未嚮3隻嘢已經嘈嘈吵吵, 聲音洪壯過交響樂啦!
我曾經覺得好煩, 尤其有其他事做緊, 都一定要放下:(
又曾經覺得好懊惱, 已經第一時間去準備, 但3隻豬都係嘈到我手忙脚亂, 真係唔知點攪!
曾幾何時, 已經完全無咗呢種心態, 每當3隻豬仔吠到此起比落, 我竟覺得精神輕快!
的確, 如果嗰日某隻豬仔對食物都無興趣, 我會係幾擔憂, 我應該好感激佢哋用聲音去表達, 話比我知佢哋係生活得健康暢快; 真係愛死3隻寶貝, 有你哋我每日都感覺幸福愉快!
每日睇住佢哋古靈精怪, 咩嘢煩惱都無晒 :)
呢短短兩個月間, 有3隻松松先後離世, 其實年紀唔算老大; 係咪依家D空氣水質都唔好, 人都多咗病痛, 要狗狗活得長久係好難?
.JPG)
最近豆b氣管下塌比之前嚴重, 已經響起警號, 我好擔心佢呼吸困難, 雖然每日用生理鹽水比佢聞氣見到有改善, 佢脷仔嘅顏色靚番, 但都係做好準備有需要時要急救喇, 多謝A幫我訂咗氧氣番嚟!
好似好誇張, 但想像吓萬一出事有幾可怕, 我唔可以坐以代斃啦; 有咗氧氣會安心D, 就算即去醫院都需要時間, 咁都有得頂住.....只係預防突發事件, 萬望永遠都使用到, 永遠唔會發生缺氧呢種事啦!
 |
| 條脷仔顏色可以師時時keep到咁就好喇！ |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
