一早起身比少量番薯, 唔想空肚餵波波蛋白尿藥, 咁早起身餵藥, 祇為唔想同中藥有衝撞, 相隔耐D確保安全最實際; 再隔半小時左右滴眼藥水後, 可以放返隻豬落網床, 自己開始入廚房, 準備蒸肉比佢哋喇!
又切又蒸打茸混合菜糧, 然後加入適量supplement, 入房抱兩隻豬出去各就各位, 波波都係要手餵, 呢隻麻煩豬仔唔係好開胃, 寄望停曬西藥後會好轉, 唔好要我咁閉翳😓!
用餐後一連串指定動作, 清潔嘴仔, 梳好心口毛毛先可暫時停低, 自己灌返杯咖啡, 無咗呢個支持真係無以為繼😅; 之後要準備出去見老師喇, 睇吓仲有乜嘢方案可以幫隻豬仔!
忙到團團轉, 呢排超額比咗負擔自己嘅精神, 身體, 經濟😖!
見到老師, 今次老師都話波波視力已失, 再無咩可以扭轉劣勢, 依家係怕有相關併發症出嚟, 叫我要有心理準備摘眼呢個趨勢...
可以想像我有幾頹廢, 究竟要我點做先可以停止折磨呢隻豬仔? 聽日又要見眼科醫生睇吓仲有無計仔, 我但求唔使麻醉做手術就好安慰!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
