整親隻眼, 引伸出一連串問題, 我都知波波一食西藥就麻煩, 但眼仔有細菌感染點敢唔食呀, 終於, 都係要停服啦!
同熊醫生反映咗波波情況, 佢食抗生素呢三日完全唔肯進餐, 連殺手鍊baby food都唔吼, 我無曬辦法, 被迫用針筒強餵, 但佢同我嘔返曬😭!
熊醫生話有嘔要停服喇, 只用眼藥水, 自己睇住情況有無變壞!
眼仔就差不多啦, 佢成日合上眼, 不過分泌物係少咗, 應該係有好轉, 都肯比我用鹽水洗眼, 無再尖叫喇, 不過要好返曬都要一定時間!
但身體狀況就差咗好多喇, 天氣轉冷又唔食嘢邊有力吖, 見佢舉腳尿尿都跌吓跌吓😭...
呢個仔又唔鍾意著衫, 不過戴咗頭罩已經好慘, 再要佢著衫好似全身箍住不能動彈, 就太可憐喇; 天氣轉變又怕再冷親佢就慘, 又怕筋骨問題再有痛症唔知點辦, 即刻開暖爐保室溫, 搵返張遠紅外線氈仔比佢冚, 再照燈保養吓!
之前要食抗生素, 停咗幾日中藥, 怕藥物有相撞, 又要問過醫生先敢食返, 又唔知現時狀況再食啱唔啱, 九百幾樣擔心照顧呢個仔份外難😓!
聯絡咗診所, 等姑娘問咗梁醫生再做下一步, 好快梁醫生覆咗叫波波可以食返中藥, 再觀察, 希望波波快D精神返啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
