已經夠可憐, 眼仔睇唔到仲要整傷發炎, 琴晚仲要發燒😖!
一直focus喺眼仔度, 胃口唔好就估計主要都係因為食咗抗生素, 無疑呢隻藥一定有影響, 但我忽略咗其他因素!
阿女出trip期間, 一路都有幫佢做distance healing, 琴晚返嚟, 做reiki時同我講波波除咗眼仔, 身體都有唔舒服; 佢話波波有D頭暈頭重, 作嘔作悶, 仲好似有D心悸; 阿女話之前無呢種感覺, 應該係剛開始, 但因咩事會咁佢唔知道; 等佢做完我即刻幫隻豬仔探熱, 原來有發燒, 呢個媽媽真大懵!
即刻用順勢療劑幫佢退燒, 再用火酒溫水抹手腳掌同肚仔, 餵佢飲少量vit c水, 叫阿女加多兩錢肉緊, 靈氣治療再幫佢做; 阿女做完話波波好咗好多喇, 感覺無之前咁扯住, 半個鐘後我再幫佢探熱, 正常體温已經恢復!
一路監察住佢體溫同精神, 今朝早再探熱, 無再升溫, 早餐肯自己食唔使再出動針筒, 雖然我係就住佢胃口, 只比米糊加baby food, 但自己肯食已經好感動!
唔明點解會突然體溫升高, 自問時刻監察住室內温度, 無可能會冷親😳攪到病倒!
可能呢排帶住佢出出入入見醫生, 室內室外溫度唔同, 一吓攝親我唔知道; 今日又要去見眼科熊醫生, 真係要加倍小心安排好!
唉, 個仔剛開始適應眼仔睇唔到, 肯嘗試邁步, 突然又眼仔受傷痛到唔敢郁, 依家攪到佢好似寸步難行, 信心全無, 希望佢眼仔嘅傷會快D好, 佢會慢慢建立返信心再踏步!
好似困難重重, 但為咗波波我會全力以赴, 希望波波會配合到!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
