 |
| 相片連結 |
呢兩日都心情好好, 有道人逢喜事精神爽, 我無遇到咩喜事, 但都算係正面好事啊; 琴日同佢哋出去行街街, 個人都輕鬆咗, 兩隻豬仔都配合我喎😄!
首先係因為Ka嘅鼓勵, 佢sent比我一篇好有意義嘅文章, 令我瀕臨失去信心嘅時候再度堅強!
仲要感激佢每晚工餘時間都幫波波做reiki, 等波波keep住得到治療, 真係唔識用言語表達我嘅多謝😙!
佢勉勵我要努力嘗試, 但平常心面對, 唔好成日大上大落咁, 對我對波波都無好處!
阿女都同我講道理, 唉, 我自己性格衰乜我點會唔知.....
然後就收到診所姑娘來電, 朋友介紹嘅醫生肯睇波波, 對管理波波嘅健康, 信心又加強咗!
我一向都唔想用西藥, 祇係之前控制唔到蛋白尿, 迫於無奈就唯有用囉; 但波波真係反應過大, 食後攰到好似死咗; 近日我減咗份量, 真係好得多!
今次會睇梁醫生, 其實我對佢並唔算陌生, 十幾年前我嘅樂樂都睇過; 梁醫生係資深醫生, 近年佢加多咗中藥同針灸, 希望毛孩受惠更多, 我希望佢會夾到波波啦!
琴日波波表現好唔錯, 行動自然好多, 最令我驚訝係琴晚比零食, 佢竟然撲過去兇達達, 仔呀點解你咁霸度咁曳曳, 但...今時今日你呢個行為, 我鍾意啊😂!
其實我睇佢眼仔情況, 就算右眼已經睇唔到, 左眼都唔係咁差囉, 好唔明點解佢咁妄撞, 即使真係有視力障礙, 我都要幫波波做返正常嘅自己, 豬仔你要努力做隻happy dog!
仲有今日收到好朋友V代理嘅呢隻眼仔supplement, 佢嘅feedback好好, 其實之前我都有買過, 可惜當時係soft cap狀, 波波唔識吞, 唧出嚟味道佢好抗拒, 最後我放棄咗, 唔想硬塞佢食咁陰功啊; 依家出咗新裝, 可以將粉狀灑落食物, 咁餵佢就方便好多😌!
無論睇唔睇到, 睇到幾多, 都要keep住保養唔好快速變差啊!
 |
| http://holisticpethelp.com/zh/products/ocu-glo-powder-blend-30-capsules |
好多謝V, 佢寄出呢個保健品嘅同時, 仲送比波波一個玩具, 呢個唔係一般玩意, 係可以釋放冷靜香薰, 令到狗狗情緒放鬆, 啱晒我呢隻緊張豬囉!
 |
| http://holisticpethelp.com/zh/products/smounds-chill-out-calming-toy-lion |
我曾經講過, 我十幾年都無喊過, 已經無咗喊嘅感覺; 但最近呢幾年, 流嘅眼淚比過去十幾年更多, 全都係因為呢幾隻豬仔帶動我, 流嘅都係好感動嘅眼淚....
好多謝好多謝過去同依家咁多位好朋友咁關心我嘅豬仔, 咁錫波波, 好多謝好多謝你哋眷顧我!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
