 |
| 波波對擁有豐厚嘅毛毛自豪, 就將佢最好嘅身段刻入腦吧 |
琴晚波波食咗baby food, 之後就嘔, 我諗佢一次食太多, 身體難接受...
今早早餐, 我嘗試只比一匙羹, 佢舔晒, 然後即刻就嘔, 為咗要生存陪我更久, 努力堅持唔走, 仍盡力去食, 但堅強嘅意志竟比殘破嘅身體打敗, 勉強進食都係嘔, 我真係崩潰難受, 泣不成聲眼淚狂流!
仔呀你唔好再堅持唔好咁固執, 你要放手!
見佢嘔到污染晒手手同心口, 即刻同佢清潔好要周身香噴噴, 我知乖仔一直都愛清潔, 咁污糟好難忍受, 不過全程清潔嘅過程中佢連張開眼仔都無力, 我心痛到真係想嘔, 可能係大腦觸發反射神經結構!
見到波波咁唔放心離開我真係好難受, 見到佢硬撐我好傷心, 但一想到點撐都唔會久留, 生離死別嘅痛點忍受?
坐喺波波身邊輕撫佢嘅毛毛, 勸佢乖乖哋走, 脫離呢個腐敗嘅身體, 到天上翱翔遠遊, 呢個家永遠歡迎你回歸, 你可以自由去留, 媽媽希望你開心, 重獲健康嘅身體, 奔跑時有最輕盈嘅步伐!
好傷心, 等待別離嘅時刻, 點解人生要面對咁多生離死別嘅不幸?
 |
| 乖仔, 放手! 你會再擁有輕盈嘅步伐 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
