無見到波波已經有一星期, 仍然好唔習慣, 之前有好多瑣事要安排, 到依家安靜落嚟, 先強烈感受到嗰種失落及椎心之痛啊; 每晚瞓吓醒吓, 一醒就望向波波張床仔, 睇吓佢有無返嚟, 之前豆b走咗, 第三晚就見到佢坐喺自己張床仔, 佢仲返過嚟兩次, 但點解我仲未見到波波?
好失望, 見唔到乖仔, 但曾經聽到過佢嘅叫聲, 好細聲但頗清晰!
 |
| 我多希望可以再見你一面 |
波波, 你明明有表示過會返嚟睇媽媽, 你一定唔會騙我, 你係怕媽媽見到你更難過? 所以就算你有返來都唔要驚動我?
波波, 媽媽真係好掛住你, 你返來同媽媽見個面好麼? 最少、最低限度, 你都入我夢比個安慰我, 乖仔波波.....
 |
| 望住空空嘅帳篷好心酸 |
親戚朋友都安慰我, 叫我呢段時間要盡量忙, 日子會較易過, 我仲可以忙乜嘢事?? 感覺做乜都無意義！
唯一環繞住波波嘅周邊, 會做得樂意!
聽歌做視頻, P圖做相片, 睇住波波嘅相, 喊完一次又一次, 發洩過後會舒服啲!
 |
| mp4-突然好想你 |
無忘記早晚為波波頌經, 極其虔誠, 我呢個無信仰嘅人唯一嘅一次, 做得十分願意!
希望波波好, 我心裡目前最想做嘅祇有呢件事!
今日, 突然收到阿女送比我嘅禮物, 一打開包裝即時淚奔, 當我哋感覺波波來日無多, 佢就從美國訂咗呢個禮物, 喺適當時間安慰我受傷嘅心; 好感恩阿女咁貼心, 總留意住我會鍾意嘅物品!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
