從新適應行街街

真係未見過咁怕凍嘅狗狗, 要加埋件羽絨褸比佢墊床仔,
咁先唔再噴鼻水!

豆b持續打乞嗤, 環境管理已經盡量做到最好, 但對佢幫助唔係太大, 最後唯有比半粒抗敏感藥佢食啦, H醫生話過如果真係打得頻密, 就可以每日比佢食兩次, 將症狀緩和落嚟; 豆B食藥後再無發作喇, 連瞓覺都聽唔到好大鼻鼾聲, 今次應該純係鼻敏感引發嘅問題!

敏感呢樣嘢又確係幾困擾嘅, 只可以盡量遠離致敏源, 無辦法根治, 但天氣嘅轉變, 就好難掌握喇; 自己個女都有鼻敏感, 病發時都係狂打乞嗤, 嚴重起嚟會鼻塞到透唔到氣, 頭痛兼發燒添, 呢D咁嘅症狀, 唔算大病, 但都幾折磨人(狗)架!

氣管塌陷 2 (Tracheal Collapse) - 轉貼

在寵物的上呼吸道疾病中，咳嗽是一個很常見的症狀，就好像是我們人感冒咳嗽一樣。當然，引起咳嗽的原因很多，這次我就先介紹一個叫氣管塌陷(Tracheal Collapse)的疾病。

氣管塌陷，顧名思義，就是某部分的氣管塌了，原本氣管環是圓形的，現在則凹下去，使得氣管內的空間變小，進而造成空氣呼出或吸入的不順暢，甚至使氣管內的纖毛互相碰觸，因而引起咳嗽。


氣管塌陷的成因目前還無法確認，但有些方向卻是可能的原因，比如說氣管環軟骨的形成出問題，營養不良或代謝失調造成軟骨生成不良，當然，有些品種則 較容易發生氣管塌陷，像貴賓、約克夏、博美、吉娃娃等都是好發的品種。一些外力造成的機械性傷害，如頸圈的操作不當，也可能引起氣管塌陷。氣管塌陷常常發 生在年輕的動物，所以有些人認為這跟遺傳有關。

自己煮給狗狗吃，真的會有獸醫師說的營養不均衡的問題嗎？- 轉貼

轉貼自http://karenlu00.pixnet.net/blog/post/37968917

問：
自己煮給狗狗吃，真的會有獸醫師說的營養不均衡的問題嗎？

答：
我以前也這樣認為，因為，以前獸醫師跟我說：吃乾飼料就好，營養均衡，可以添加深海魚油、橄欖油、啤酒酵母粉，不要吃人吃的東西，會營養不均衡。
以上這段話，乍看之下，理所當然，何況是獸醫師說的，但是仔細一看，充滿矛盾與跳躍式思考結論。
如果吃飼料就好，營養均衡，那還建議我添加深海魚油、橄欖油、啤酒酵母粉幹嘛！
吃人吃的東西，就會營養不均衡？那人類不都絕跡了。

豆b打乞嗤

呢個新年豆b又開始密密打乞嗤喇, 伴隨住佢嘅乞嗤, 好多時都聽到佢呼吸都有D"嘓嘓"聲, 有時我真係好驚, 見佢咁辛苦, 又唔知點幫佢!

基本上佢真係超敏感嘅, 如果我開住暖爐, 關上房門, 比佢留喺房內瞓住暖墊, 佢都唔會發作, 但我無可能唔出入嘛, 只要我一打開房門, 每次空氣轉換, 即使幾分鍾, 佢就會狂打乞嗤喇, 雖然幾分鐘後佢會停止, 但對我嚟講呢幾分鐘真係好長, 我真係好驚佢又整損個鼻膜, 噴血絲呀!

逆向性噴嚏症(REVERSE SNEEZING) - 轉貼

轉貼自大敦寵物醫院

不管是人或是狗貓，打噴嚏是很常發生的一件事，所以打個噴嚏，並不是件什麼大不了的事情，但是有些狀況，可能會嚇到您。

打噴嚏是個身體的保護機制，當我們的鼻腔黏膜感覺到刺激時，肺部的空氣及上呼吸到的黏液會伴隨著快速又劇烈的胸部肌肉收縮動作，將刺激鼻腔的東西快 速的從鼻腔排除，這些刺激的因子可能是灰塵、微粒物質、化學物質、病原(病毒、細菌、黴菌..)、過敏原..等，如果是不斷的打噴嚏，就很可能是鼻炎或過敏的症狀。

不斷的以鼻腔吸氣，飼主往往以為是氣喘的發作，而非常緊張，然而這不是氣喘，而是逆向性噴嚏的典型特徵

今個農曆年好凍 (w/album)

相片連結
year of dragon 2012(3)

今個農曆新年真係好凍, 仲要間中有落雨, 幾隻豬仔都無得去街街喇, 萬一冷親仲麻煩! 等咗好幾日, 終於等到太陽伯伯今日肯出嚟喇, 快快手同幾隻豬換衫出去行一陣, 仲要落去影番幾張相嘛!

同幾隻豬仔換衫梳毛, 竟然發覺達達嘅毛質開始有轉變, 無之前咁乾旱, 仲幾柔軟添, 細心觀察又唔覺生長有改善, 都仲係好疏落, 不過如果循住上次嘅方向, 正常應該會越嚟越好喇, 希望唔係我嘅幻想, 係佢真係開始好轉啦!

菇蕈保健-Joints關節軟骨呵護配方

又一次訂購呢個品牌嘅天然補充品, 今次係比幾隻豬仔補養關節用, 反正佢哋都食緊immunity免疫防禦配方, 而官方網站又建議可以兩者一同服用, 應該會強化效果吧！

天然補充品我比較有信心, 因為好似食物補充, 只要唔好過量服用, 應該唔會有其他副作用, 希望達達豬食咗唔再腳震震, 而波波豆豆關節都會潤滑D啦!

葡萄糖胺(Glucosamine) 的選擇 - 轉貼

http://tw.myblog.yahoo.com/cardiology-vet/article?mid=1451&prev=1499&next=278&l=f&fid=7

  

當大家在問，關節疼痛除了止痛消炎藥之外，平常生活上的飲食起居該怎麼辦的時候，最常被諮詢的營養補充品應該是”維骨力”吧。

維骨力是什麼呢？是讓骨頭強健嗎？

首先我們要釐清，維骨力絕對不是因為它可以增強”硬梆梆的骨頭”，相反的它的功用是補充”潤滑性”的身體組織，來緩衝硬骨與硬骨之間活動所造成的傷害和疼痛。維骨力是個廣告宣傳的商品名稱，真正的成分學名是”葡萄糖胺(Glucosamine)”。

已有實驗數據證明硫酸鹽和鹽酸鹽(Glucosamine Sulfate、Glucosamine HCl)兩種形式的葡萄糖胺具有相同效果。請記得，不是貴的比較好，許多知名品牌其實是很平價的。

關節補養

見到達達豬腳震震

從網友KL處拎咗背部嘅補充品Vetri-Disc, 比波波食咗有幾日喇, 佢完全無出現可能有嘅軟便, 亦見唔到有其他不良反應, 加上呢隻品牌無添加MSM, 鈣嘅含量亦好低, 只係25mg/cap(因為有骨刺其實唔應該食有鈣嘅補充劑), 我可以放心比佢繼續食落去喇!

因為波波唔係食乾糧, 自煮肉我都要另加蛋殼粉補鈣; 參考咗好多資料, 決定一星期後再將份量減低, 以佢1.8kg嘅體重, 一日食1/3 cap應該足夠, 再添加咁低份量嘅鈣, 應該無壞影晌啦, 身體缺鈣都係唔得嘛!

送兔迎龍! (w/album)

3隻豬仔願大家都有吉星高照, 遇事逢凶化吉!
相片連結year of dragon (2)

大年初一, 恭喜發財!

送兔迎龍, 一年飛咁快就過咗, 回顧過去一年, 在我嚟講都有好大轉變, 當然首要嘅係, 我再唔係職業婦女喇, 仲有就係兔年我失去咗樂樂!


辭職呢個決定真係反反覆覆諗咗好耐, 一直擔心唔番工會好悶, 但搬屋後唔住喺公司附近, 再無可能有事時隨時跑番去增援, 如果要將幾隻豬仔完全交托比工人, 真係會好掛心, 最後都係決定同老細講拜拜, 專心一意, 用多嘅D時間照顧幾隻豬仔啦!

福星高照 (波波篇) - Vetri Disc

波波豬要多謝大家嘅關愛!

又一次引証互聯網上係可以交到朋友嘅!

當知道波波生骨刺後, 我上網搵資料, 加入咗"椎間盤突出壓住神經線"呢個群組!
發起人嘅狗狗曾有過咁嘅病歷, 最後要做手術;  佢設立咗呢個分享區, 係作為一個平台, 比曾患上呢個症嘅狗狗主人, 互相交流近況, 亦希望有經驗嘅主人能以過來人身份, 幫手解答疑難, 為非緊急嘅Case作出分享同回應, 等好似我呢D突然得知狗狗出咗問題嘅人, 無咁徬徨 ; 真係一個有心人!

當我將波波嘅問題post上去, 都有熱心網友解答, 分享佢哋有過嘅經驗, 喺嗰度我搵到背脊有事, 原來係有專攻背部用嘅supplement!

龍年第一炮賀年相 (w/album)

  year of dragon 2012(1)相片連結

終於拎咗今年訂購比狗狗嘅賀年食品喇, 真係做得好精緻; 因為呢D食品無加防腐劑嘅, 所以要襯新鮮食, 我要立刻同佢哋影番輯相先, 龍年第一炮嘅賀年相出爐喇!今年同佢哋做咗幾張揮春, 係膠質嘅; 我想保留起佢, 希望無咁易整爛, 不過後來見到晒相店嗰D都整得好靚, 價錢仲係一半就做到喇, 我都係太心急, 不過個性係咁, 又好難改到:(

背部骨骼補充品

波波唔記得晒背脊曾痛痛, 又紮紮跳喇, 真擔心又整親!

呢幾日都為咗同波波選擇一隻適當嘅骨骼補充品傷透腦筋!

自從決定咗用呢類補充品後, 就猛咁搵料, 睇邊隻較為合適; 一般關節補充品, 大都著眼於joint pain, 又或者幫助老年風濕, 咁對波波嘅背部骨刺又好似唔太適合, 我希望搵到一隻專for背部嘅!

入咗去"椎間盤突出"分享區, 睇咗好多病例, 係嗰度見到有網友提到神經科權威醫生建議嘅一隻專為背部而設嘅supplement, 而網友們都好熱心分享, 認為呢隻係幫到忙嘅一隻補充品, 我亦將呢隻補充品條link send咗比H醫生, 請佢比D意見! 雖然H醫生都係覺得其實幫助唔太大, 但試下都無防, 希望波波可以吸收到少少好處啦!

鱷魚肉燉湯

休息多Ｄ啦！

波波情況轉為穩定, 雖然未去到無事嗰時咁精神同活躍 (我都唔想佢好似以前咁紮紮跳喇, 其實應該困籠架, 不過好彩佢鍾意上我床瞓); 但佢無再尖叫, 打震, 同有番胃口食嘢喇!

因為知道咗佢發病原因, Hsiang醫生忠告我抱佢嘅時候要識點去承托住, 唔可以抽住腋下抱起, 一定要逗住個pat pat; 其實我通常都係托住佢胸口抱佢哋, 好少會抽起佢哋嘅！

可能有止痛藥幫助, 我又就住無整痛佢, 情況尚算安好, 就等佢休息多D啦, 午飯後比佢同達達豬上床瞓, 豆b都係自己瞓床仔!

常見的犬脊骨疾病：椎間盤突出 -轉貼

椎間盤突出 (intervertebral disc prolapse) http://www.peaceavevet.com.hk/service.php?id=73 若您的狗狗是下列品種 (往下看軟骨營養不良品種); 又喜歡跳上跳下 (梳化、床)，經常蹼人，而近來不願跳，常躲避，身震，摸他不知 道那裡會叫痛，背脊弓起，腳無力，行路好似醉步站立不穩，甚至  拖住後腳行：那您的狗狗有可能患了椎間盤突出症！ 椎間盤突出在犬科較常見，在馬以及大動物較罕見。貓椎間盤突出 也不常見，但在我的經驗裏，波斯貓較容易有椎間盤突出導致後肢 癱瘓的病例。

咩野叫”骨刺”

精神唔錯, 但未100%康復

今日收到草本舒緩素, 本來諗住波波都唔係情緒病, 可能對佢無用喇, 不過再睇清楚說明用途, 原來對痛症都有舒緩作用, 咁都錯有錯著, 以後就隔日比少少達達同波波試下, 希望對佢地都有良好效果啦!

波波呢兩日都無再病發, 應該係keep住食止痛藥嘅功勞, Hsiang醫生話先比佢連續食3,4日就可以停藥, 日後有痛先再食; 我有D擔心停咗藥佢會唔會又痛番!

防衝胸背帶

最怕咁撲會傷到佢

永遠都係, 諗得好理想, 但常常都事與願違!
之前波波散步常搶繩, 撲狗狗, 當我拉緊佢唔比佢猛力向前衝嘅時候, 好多時佢都會用後腳企咗起身, 我好怕拉傷佢; 睇咗好多資料, 都建議用一隻功能胸背帶EASY WALK!
但都未開始去用, 就遇上波波出事, 背部証實有骨刺!

呢條狗帶, 同一般胸帶原理剛相反, 當狗狗向前衝, 拉力會扯向前, 換言之力道集中喺背部, 等狗狗本能停低, 如果有walk狗狗搶繩煩惱, 又撲又跳, 真係一條完美嘅輔助物, 可惜波波暫時都用唔到喇!

被証實生骨刺

打咗針瞓醒覺精神明顯好咗!

今早波波都係無胃口, 又係好驚咁成身震,  睇見咁真係心痛, 希望時間快D過, 快D等到下午啦, 更希望見咗醫生後會搵到佢究竟發生乜事啦!

去到診所, Hsiang醫生同姑娘姐姐都知我求診嘅大概原因喇, 因為掛號時我都講得好清楚; Hsiang醫生好細心同波波驗查, 先探熱摸肚仔, 聽心跳量脈搏, 然後眼耳口鼻, 手手腳腳, 全身每吋咁按壓, 每次按到佢背脊佢都尖叫, 咁好大可能都係背脊出事喇!

Hsiang醫生話照x-ray會清楚D, 但現階段唔想刺激佢, 驚佢大力掙扎會觸及患處, 傷害更大, 但又唔想隨便打鎮靜劑, 後來幾位姑娘建議合力穩住波波, 等佢可以順利咁完成過程; 真係要好多謝幾位姑娘姐姐, 佢地好有愛心, 雖然我見到個仔比咁多人捉住, 面露好驚恐嘅表情, 個心又亂又痛, 但聽到姑娘姐姐溫言婉語咁氹佢, 我好安慰喇!

我嘅殺手鐧

整日都係咁樣, 睇到個心好唔安樂呀!

今朝早波波情況差咗, 因為佢唔肯食嘢, 就算我用手餵佢都唔食, 仲成身震晒! 可能唔係情緒病, 真係筋骨痛痛呀!

我都知一唔食嘢就大問題, 憂心之下call 家庭醫生Dr.Tung問吓佢意見; Tung醫生問咗詳細情形, 因為波波大小便正常, 無發燒, 步行正常, 咁Tung醫生話比較難確診; 佢話如果再唔食, 仲係咁震, 就一定要帶佢去有驗血, X-RAY嘅地方睇醫生, 身體一定出咗問題喇, 但如果佢肯食嘢, 就再繼續觀察!

真係好擔心, 究竟出咗乜嘢事?

記起過往狗狗有病, 無胃口我都會買baby food比佢哋食, 呢個係我嘅殺手鐧喇, 如果連咁香嘅baby food都無興趣, 明日就一定要帶佢去見Hsiang醫生, 睇下又要做D乜嘢化驗喇; 我真係好唔想成日捉佢去左驗右驗, 左照右照呀!
仔呀仔, 你唔想受皮肉之苦, 就乖乖地合作啦!

草本舒緩素 - Dr. Harvey's RELAX

睇見佢咁嘅樣，心都實晒:(

達達同波波都先後出現過情緒問題, 但最頭痛係根本搵唔到根原, 令我苦無良策, 亦無從入手去幫佢哋! 之前達達用過花藥，而波波就試用行為訓練，但都係解決唔到呢個難題，令到我好擔心又困擾！

同朋友傾談起呢個問題, 佢話有好多誘因; 其實先天後天都有可能令到狗狗出現呢種狀況, 好多時我哋唔為意嘅一宗小事, 就可能帶比本身性格唔穩定嘅狗狗重大壓力; 或者我呢對寶貝仔女都比較敏感, 如溫室嘅小花, 又或者係我太嬌縱佢哋帶來嘅惡果啦, 唉!

是否情緒病?

波波呢兩日又唔知發生乜事, 兩日前瞓覺嗰時都正正常常嘅, 一覺醒來就唔知做乜, 掂下都細細聲尖叫, 同兩個月前出現過嘅情況一樣，甚至係更差; 上次佢都肯食嘢, 今次就連早餐都無心機食!
我檢查過佢嘅口腔, 又全身按摸過, 連皮膚都check埋, 都無發現有異狀, 唯有觀察住, 睇吓過多一日會唔會無事啦!

今日瞓醒, 佢有正常去廁所尿尿, 睇過尿尿都正常, 但比佢食早餐, 佢唔食仲係咁全身震哂, 即刻同佢探熱, 溫度正常!

無辦法唯有試吓用手一粒粒餵佢啦, 好彩佢肯食 ;午餐比較好少少, 雖然都係唔肯自己行埋兜肉度, 但我拎住個兜佢都肯食, 唔駛好似早上咁一粒粒餵喇!

又到毛毛休眠期?

昨晚影嘅相, 點解好似用咗上年嘅舊相?
先驚覺終於要面對逃避咗幾個月嘅問題喇!

今日, 仔細咁睇番近數月同達達影嘅相, 發覺佢嘅毛毛同去年一樣, 正慢慢咁變得越嚟越稀薄喇, 要分辨毛髮有無變少, 最容易從面部見到, 因為會明顯見到面仔尖晒, 心痛啊!!!

要做嘅都已經做咗,  所有覺得對佢有幫助嘅都試咗, 如果仍然逃唔過呢個循環, 只可以默默接受, 如果話完全無唔開心, 只係欺騙自己吧!

訂購狗狗賀年食品

兩隻豬仔好鍾意上床嘅!

呢幾日天氣轉冷, 完全無興趣外出, 係屋企開住暖爐, 幾隻豬仔就大覺瞓, 除咗3餐之外, 佢哋真係可以全日冬眠, 攪到我都好懶, 一於攬住佢哋瞓埋一份!

仲有兩星期左右就過年喇, 以前都會出去逛吓, 買少少年貨, 依家好似足不出戶都可以網上shopping, 咁又無咗意欲出去, 依家網上購物咁方便, 究竟係好還是唔好呢?

講起辦年貨, 呢兩年我都有喺網上訂購應節食品比3隻豬仔, 雖然都知道佢哋唔會有過年嘅conept, 但同佢哋一齊過節會帶比自己一種好溫暖嘅感覺, 熱鬧好多; 咁佢哋又有新口味嘅嘢食, 都算得上大家開心啦!

新年快樂! (w/album)

相片連結

一轉眼間已踏入咗2012年, 不足一個月, 又到農曆新年喇; 人哋話年紀越大, 就覺得日子過得越快, 唔通係真?

呢幾日都照常同三隻豬仔行街街, 不過假日路上都係比平時多人, 尤其遇到果D無養狗狗concept嘅人, 真係好無奈!
好怕D人突然伸手摸達達, 其實任何狗狗對特如其來嘅舉動都會緊張; 我明白佢哋都係見到狗狗得意先會逗佢哋, 但就做成佢哋好不安; 每每遇到幾個咁嘅路人, 豬仔們就無晒mood, 達達垂低晒尾仔, 豆b又唔肯行, 波波就會做出好多安定訊號!