工人姐姐嚟咗3星期多喇, 總算有好嘅改善, 我間中都可以透吓氣, 同幾隻豬仔去吓街街啦!
自從同佢講咗做得好會有bonus, 佢真係加咗把勁, 清潔方面明顯用心咗, 做得好乾淨; 可能錢真係對佢好重要, 所以有獎賞真係work,如果付出多少少可以push到佢肯用心去做, 咁都不防, 不過煮食方面仍待磨練!
琴日叫佢自己去買餸, 由最簡單嘅開始, 每樣嘢都googled比佢睇吓圖片先, 雖然佢去咗比正常耐, 但未熟識環境要兩頭咁轉, 都差唔多啦, 而且要買嘅全都無買錯, 算好意外添!
希望初頭係大家未磨合到, 有誤會; 佢求錢心切, 未經修飾口不擇言啦!
佢去完街市番嚟, 同我講遇到鄰居工人, 問佢要唔要我舊姐姐電話, 工人真係好多渠道去互通消息嘅, 算啦自問待舊姐姐不薄, 如果要有是非都好難避免!
舊工人姐姐有打電話同我拜年, 依家應該回咗老家渡假, 如果佢哋要聯絡上, 我都無問題, 如果要扭曲事實,加鹽加醋亦唔到我限制, 無所謂啦!
不過世界上無論邊一個圈子都有D無謂旁人, 唯恐天下不亂, 太上心就係煩惱自招 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
