歸納咗各地朋友成功幫到有BSD嘅松松, 大部份方法都係搽油, 等油份停留皮膚4小時以上, 亦可以過夜, 跟住就沖洗將油份洗清!
其中用嘅油類都好廣泛, 有用礦物油、椰子油、嬰兒油、鴯鶓油等等; 而洗毛水都有好多款, 有用松焦油洗毛水, 我用緊嘅DERMagic shampoo及emu oil shampoo等等, 甚至有人用上洗潔精:)
跟住follow up會搽上護膚品, 因為佢哋皮毛都好乾燥, 產品因應狗狗皮膚接受度; 有人用DERMagic rescue lotion, 呢隻我上年都有比達達用過, 但見唔到明顯效果; 有人噴神仙水, 仲有好多不同產品, 但都係要睇番自己狗狗嘅接受程度!
 |
| 今年1月尾進行療程, 皮膚好轉亦無左難聞氣味, 但毛毛情況無改善, 仍未能長出新毛! |
今次幫達達生毛毛過程, 同大家分享我嘅方法, 希望對有脫毛症嘅狗狗可以幫到忙啦!
外用嘅我每星期幫達達厚厚咁搽上鴯鶓油, 隔一夜後要同佢沖洗乾淨, 因為洗清油份唔容易, 要落兩次shampoo! 第一次我用emu oil shampoo, 第二次我用DERMagic shampoo + conditioner,要慢慢搓揉希望洗去嗰D黑色素; 跟住用暖風同佢吹乾皮毛, 大概吹到70%乾左右, 就全身噴透Magic Mist神奇水, 按摩滲透皮膚, 然後再徹底吹乾!
跟住第二日我再做多一樣!
我用Laser Comb 幫佢照紅外線; 多謝網友G嘅介紹, 本來H醫生話唔敢肯定對達達毛囊有無傷害, 我都有所顧慮唔係好敢試, 但見到達達情況咁壞, 都不妨死馬當做活馬醫啦, 每星期我都幫佢照一次!
之後持續每日噴上神奇水, 按摩後吹乾, 完全無毛嘅地方, 搽上V送比達達嘅SORE NO-MORE Sports Salve
 |
| 照laser comb |
 |
| 搽 sports salve cream |
內用當然要繼續服佢嘅甲狀腺藥, 不過我都減番去之前嘅份量喇, 唔想佢食咁重藥啦; 跟住有用過嘅補充品包括有一開始甩毛時用嘅, 由台灣訂返嚟嘅愛倍多, 亦有用過大長生, 跟住有黑芝蔴粉、螺旋藻、海藻粉、魚油，薑黃素、鱉蛋粉、神奇粉、草本提升免疫素及後期加入嘅黑酵母等等, 不過唔係同一時間全部服用, 要慢慢試嚟做配搭, 呢D都係對生毛有幫助嘅, 但要因應狗狗接受程度去選擇啦; 跟住仲有每星期飲一次補肝湯, melatonin就停服喇, 雖然達達第一次係有良好療效, 但今次再番發即使加重咗份量, 都再無作用喇!
 |
| 2月頭已經見皮毛有好轉! |
 |
| 過多一週, 背部毛毛厚左! |
 |
| 毛髮有番光澤,立立令 :) |
如果狗狗未嘗試用過melatonin, 建議同獸醫商討一吓, 我認為可以一試!
但要問過獸醫, 因為如果狗狗有糖尿病係唔可以服用, 仲要做過測試睇吓有無其它唔適合嘅健康問題, 所以一定先要徵詢獸醫!
希望各位主人養有BSD嘅狗狗唔好放棄希望, 無疑呢條係漫長迂迴嘅路, 會磨去你嘅鬪志, 但請一定要堅持!有時西方正統醫學幫唔到你, 都有另類療法可以嘗試, 唔需要絕望, 只要堅持, 唔好放棄!
仲要有心理準備呢場係持久戰, 今次打勝都只係一時, 要預咗同樣情況好大機會短時間又會再番嚟搵你!
有話BSD唔影響佢哋健康, 但我就覺得有一定影響, 見到嘅明顯係皮膚質素差咗, 仲有情緖問題, 算唔上係一隻完全健康嘅狗狗; 但請各主人盡量去幫佢哋, 記住狗狗生命中衹有你, 千萬唔好將佢哋放棄!
網上睇到有主人, 繁殖者會因為狗狗有呢個病, 而將佢人道毀滅真係好震驚, 點解會因為佢失落咗豐厚嘅毛髮, 連帶會失落埋曾經有過嘅一份感情???!!!!😢
 |
| 任何環境, 理由, 請唔好離棄你嘅狗狗！ |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
