 |
| 相片連結 |
忙,忙. 忙! 年近歲晚換工人仲忙上加忙, 都唔知點算好!
今日將要做嘅嘢放低, 一於同3隻豬仔出去, 無可能為咗教工人姐姐, 而將3隻心肝開心嘅時刻省却咗去!
同工人姐姐一路行一路講, 叫佢幫吓眼, 如果見到有放繩狗狗, 要同我講聲; 我話唔係要做比較, 但舊姐姐好錫我3隻豬仔, 見到放繩狗佢都會緊張; 呢個新姐姐一聽我咁講, 表現頗誇張, 我感覺佢唔似舊姐姐嗰種出自內心嘅反應, 但佢肯跟我意思, 肯做比我睇, 我都ok!
咁大個人, 點會仲要求每個人都交心, 肯客客氣氣, 維持良好關係已屬難能可貴; 何況係工人姐姐! 我只求佢小心唔好整親我3隻豬仔, 咁我已經心足滿意!
都係一隻一隻分開行, 波波好似甩繩馬騮咁跑, 見親細路就吠, 我已經無晒辦法!
達達今日狀態麻麻, 一開始就表現緊張, 咁啱仲有隻放繩比熊跑過嚟, 直衝向佢, 我唯有將佢抱起; 工人姐姐就大字型咁攔住狗狗, 仲好惡死咁望住比熊主人, 令我頗尷尬; 佢今日表現好戲劇化, 令我啼笑皆非!
豆b就最無所謂, 漩風咁跑咗一陣就坐低 :)
姐姐比我感覺好假, 一路不停同我講佢有幾緊張佢哋, 仲不停話比熊主人唔睇好狗狗, 嚇親達達, 有ugly face!
仲話佢day off都好掛住3隻豬仔, 又成日諗住佢嘅工作; 佢習慣每做咗一件工作, 都叫我去睇, 話比我知佢有幾努力學習; 咁急於邀功, 急於表現自己, 是喜是悲??
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
