 |
| 相片連結 |
琴日同咗達達沖涼, 今日輪到一對twins喇, 都少少修吓毛毛啦! 唔係professional就真係無得扮, 明明剪嗰時都唔覺咁差, 一影相就露晒底, 不過都算數喇, 佢地咁唔合作, 再剪都係咁差啦!
一次過攪兩隻都好攰, 仲要教姐姐做嘢, 真係好慘; 姐姐真係乜都唔識做架, 唔好話煮啦, 連切個瓜削塊皮都要教!
最慘依家日日要我煮, 佢話willing to learn, 但見佢雞手鴨腳, 唔出手都唔使食啦! 今日叫佢捧碗湯出嚟, 未拎起就全碗打瀉晒, 差D連個煲都跌埋 :(
天啊! 呢種日子要過渡幾耐呀, 救命!!
 |
| 寶貝，一路好走！！ |
今早起身一開fb, 就驚聞噩號, 台灣網友到日本公幹, 將松松託管於寵物店中; 今日佢剛回家, 正準備去接番狗狗, 就驚聞狗狗已送院, 但救唔番!
佢話狗狗當時有呼吸困難, 但無人察覺到, 最後發覺都太遲喇, 咁就送咗條命 :(
真係令人難以接受, 即使我未見過狗狗真身, 都有好深感受, 難為佢媽媽今次出門竟同狗狗永別呀 :'(
真係天下烏鴉一樣黑, 香港已聽聞唔少將狗狗託管出事嘅個案, 有撞甩眼, 打交打傷, 肺炎, 仲有癱; 原來台灣都一樣:(
好心做得呢類行業, 拎少少愛心出嚟啦, 主人比得你哋託管都好愛錫嘛, 點可能生勾勾送入去,命都無埋!
真係任何情況下都唔好考慮呢D所謂狗酒店, 太可惡喇!!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
