 |
| 相片連結 |
依家每日最開心, 最想做嘅兩件事, 就係打理達達豬同埋出去行街街 :)
每日同隻豬女梳毛, 都會輕輕撫摸佢新生嘅毛髮, 好柔軟好滑, 仲feel到係好有韌力, 即使輕輕拉扯都唔會甩出嚟, 真係唔同之前咁架, 不過, 佢頭毛同前手反而差咗, 可能未換得切啦!
 |
| 精神唔錯! 頭毛較薄 :) |
以前同佢梳毛, 見到黐住D毛毛喺個梳就好肉赤, 買少見少嘛, 不過健康嘅毛毛係根本無咁容易甩出嚟, 甩嘅都係死毛, 其實係OK嘅; 甩毛完全無問題, 係新陳代謝, 最怕只係佢毛毛去咗休止期, 唔識生番; 唔可以乜都唔做喺度等, 毛囊瞓咁耐真係需要刺激吓, 好似以前我嘅叻叻, 我就無諗過可以幫到, 就咁甩光晒哪 :'(
不過都有可能係個別狗狗問題, 但點都要試吓, 做得嘅都盡量去做, 呢D唔係關乎靚唔靚嘅問題; 我先後兩隻狗狗甩毛, 都有不同嘅狀態!
 |
| 叻叻戴住手袖,剃毛後生唔番,佢係咁咬 :'( |
叻叻好好彩無情緒低落, 但無咗毛毛佢就好似行都有問題, 無咗一層皮毛去保護佢, 如果唔同佢著衫, 佢會行到偏側晒, 企都企唔穩, 所以一定要著衫!
仲有係皮膚變厚晒, 同佢抽血好難, 唔抽又唔得, 真係好慘!
達達豬就有情緒病, 成日匿埋又唔玩, 皮膚就偏向發炎狀態; 所以呢一層毛髮對佢哋關係好重大!
希望每一個有BSD嘅毛小孩都堅持落去, 希望好快大家都會好番!
 |
| 比起之前有活力 :) |
 |
| 跑嚟跑去 :) 表情都多咗 |
今日天氣潮濕, 同佢哋去完街街, 要花多D精神去搜尋毛髮, 唔可以有任何走漏, 帶咗D虫虫番嚟啦, 一入門後3隻豬都要入晒洗手間, 清潔完晒梳好毛毛先可以自由行!
今日達達好叻女, 行得好快, 仲會笑番:)
再慢慢等吓佢生番D毛髮啦, 春回大地, 花都開得更燦爛啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
