 |
| 今日又洗咗白白:) |
今日想講吓達達食藥同補充品嘅問題, 達達自從驗出甲狀腺T4低下, 就開始食藥喇, 一直keep住食咗兩年, 有定期驗血, 除咗驗甲狀腺外, 都每年做一次blood profile嘅, 慶幸甩毛外, 身體無出乜嘢大問題!
今年甩毛嚴重咗, 食melatonin又再無效, Dr.H 就嘗試同佢加高甲狀腺藥量, 睇吓對生毛有無幫助啦; Dr.H真係好好, 怕我心存疑慮, 有比我睇一本書, 講到係可以加高甲狀腺素藥量超出正常去谷毛毛, 但當然都要屬安全範圍啦; 我有同意加高藥份去嘗試吓, 希望有幫助, 但我就唔同意超出正常甲狀腺素範圍; 為咗谷毛傷咗健康就唔好, 所以加咗藥後, 達達驗血報告顯示, 佢甲狀腺素有升高, 但都喺正常範圍!
再講到補充品, 睇落好似我比咗好多, 其實我唔係在同一時間, 即係我會時時轉吓, 食A就唔會食B啦; 喺所有狗狗乾糧裏面, 大家都會見到都一定有加上補充品, 如最常見嘅都有加上alfalfa sprouts, lecithin, rosemary extract嗰D, 我煮homemade嘅就一定要添加啦, 因為都要有足夠礦物質補充嘛！
不過在達達今次甩毛其間, 都真係有加多咗補充品, 如神奇粉, 補肝湯, 黑酵毋呢D啦!
網友G提醒我一時間加咁多補品, 達達身體可能承受唔起做成壓力, 所以體重減輕; 佢建議達達唔好食太多藥同補品!
多謝佢提醒, 亦多謝佢關心達達豬!
 |
| 沖完涼又兩頭騰喇 :) |
即刻同Dr.H商量可唔可以同達達減藥, 用番之前嘅藥量; Dr.H同意, 反正試咗3個月都幫唔到達達出毛, 唔想食咁多藥喇!
我都明欲速不達嘅道理, 補充品都會再作調較!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
