 |
| 波波福星高照，一定會好快好番晒 |
恭喜恭喜!!
今日年初二, 到今日先有心情正正經經同大家拜個年; 祝願快樂與你哋緊緊相隨, 煩惱低頭悄悄走掉, 健康吉祥對你哋關照, 幸福永遠對你哋微笑!
自從除夕波波有燒, 我心情就未放開過, 一路都睇住佢嘅發展; 今朝早起身第一件事都係同佢探熱, 今朝體溫接近正常喇, 有37.9, 咁都無咁驚!
但真係唔明點解無端端會發燒, 無經過任何藥物治療, 佢又自然康復, 唔通真係好似Dr. K咁話, 係D不明病毒感染, 佢用自己身上嘅抗體打仗, 終於打嬴?
好彩一路以嚟隻仔無話大小便異常, 胃口都唔壞, 好多謝Dr. K詳細解答, 建議我小心觀察先!
都多謝Dr. H網上提點, 琴日大年初一都關心問候波波豬!
小朋友有事當然會心亂, 如果唔冷靜處理, 真係有排煩, 亦有可能做成不可瀰補嘅遺憾!
我以前曾上網search過, 見過有一段post, 講及一隻貓貓屙血, 主人好驚就連夜去急診, 比某著名動物醫院折騰一大餐, 少不了左驗右驗, 結果一切正常, 貓貓只係普通腸胃炎; 但結果主人用咗一大筆錢, 貓貓又被折磨到殘晒, 本來會行會走, 離開醫院時仲差D無命添!
主人好嬲又心痛, 自責差D害死貓貓, 所以開名忠告; 我依家搵唔番呢段post, 但隨手一按都有太多相類似案件!
是以當Dr. H建議如有需要急診時, 我好猶豫!
http://www.discuss.com.hk/viewthread.php?tid=10890893
http://www.hk-pub.com/forum/viewthread.php?tid=930379
http://blog.yahoo.com/_ZCQYKQDNMVATONA3BH35HAZ7YI/articles/274854
http://www.uwants.com/viewthread.php?tid=10346862
http://www.discuss.com.hk/viewthread.php?tid=9529932
點解有咁多無良獸醫同動物醫院, 利用主人心亂, 就將病情誇大, 只為賺錢!
其實醫者父毋心, 做得醫生應有一份使命感, 唔係話唔賺錢, 醫生都要食飯, 唔通食西北風咩!
但理應為毛小孩病況考慮為先, 真正有需要先做化驗, 我哋帶得佢嚟急診, 就預咗要花錢; 但唔係將佢反來覆去咁折磨嘛, 一心諗住病向淺中醫, 唔想將病情拖壞, 但如果入錯謀人寺, 就有可能好端端入去, 變到出唔番嚟添!
過去我實在有過唔好嘅經驗, 所以我好怕去一D未去過嘅獸醫院!
今日波波未算完全康復, 佢體溫都屬偏低, 唔同佢哋出去喇, 等佢哋自己喺屋企玩下先啦!
 |
| 相片連結 |
 |
| 福爺送福, 波波一定好快好番晒！ |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
